22 sulyee 1994, to Gammbi, Yaayaa Jaamee liɓi laamu Daawuuda Jaawara gardinooɗi leydi ndi gila 1965.
15 ut 1995, to Sao Tome et Principe, kooninkooɓe njamfii laamu Miguel Trowoada. Kono o heɓti laamu yontere rewnde heen nde.
28 settammbar 1995, to Komoor (Comores), merseneeruuji, e gardagol Bob Denaar njandini laamu Said Muhammed Johaar. Ko konu Farayse heɓtani mo laamu makko.
16 saawiyee 1996, to Sieraa Lewoon (Siera Léone), gardinooɗo laamu koninkooɓe jamfaa.
27 saawiyee 1996 to Niiseer, kolonel Ibraahim Baare Mainasara jamfii laamu persidaa Mahamane Usmaan.
25 sulyee 1996, to Burundi, Piyeer Buyoya (Pierre Buyoya) heɓti laamu rewrude e kuudetaa.
17 mee 1997, to Sayiir (Zaire), Laurent Désiré Kabila, toɗɗii hoore mum hooreejo leydi caggal lebbi jeegom murto, tawi Mobutu ardiima leydi ndi fotde duuɓi 32.
Ñalnde 16 saawiyee 2001, gooto e gardeeɓe reenatnooɓe mo gunndii mo, wari mo. Ɓiyiiko biyeteeɗo Josef Kabila arditii leydi ndi.
25 mee 1997, to Sieraa Leyoon (Sierra Léone), kooninke biyeteeɗo Johnii Pool Koroma (Johnñ Paul Koroma) liɓi laamu persidaa Ahmad Tejan Kabaa. Konu leyɗe Afrik hirnaange heɓtani mo laamu makko e hitaande 1998.
15 oktoobar 1997, to Konngo Baraasawil, Denis Sasu Ngeso (1979-1992) heɓti laamu caggal nde fooli konu Paskaal Lisubaa.
9 abriil 1999 to Niiseer, Ibraahim Bare Maynasara waraa e gardagol Daawuuda Mallam ɓanke. 30 abriil 199, to Komoor, konu heɓti laamu e gardagol kolonel Asali Asumaani.
7 mee 1999, to Gine Bisaawo, murto koninkooɓe, e gardagol seneraal Ansumaan Maane, liɓi laamu Jaawoo Bernardoo ɓiyeeraa (Joao Bernardo Vieira).
24 desammbar 1999, to Koddiwaar, murto soldeteeɓe liɓi Henri Konan Bédié e gardagol seneraal Robeer Geï.
15 marse 2003, to Santarafrik (Centrafrique), seneraal Faransuwaa Bosisee (François Bozizé) yandini laamu Anje Felikse Pataase (Ange Félix Patassé).
16 sulyee 2003, to Sao Tome et Principe. Maasoor Fernanndo Perera janfii laamu. Kono nde o haaldaa, o jaɓi tottitde ɗum ñalnde 23.
14 settammbar 2003, to Gine Bisaawo, kuudetaa yandini laamu Kummba Yalaa. Gardinooɗo kuudetaa o, hono Verissimo Correia Seabra wattini ko wareede, hitaande caggal ɗuum.
3 ut 2005, e Muritani, kuudetaa yandini laamu Maawiyya kaaɓananoongu, e gardagol kolonel Muhammed Abdel Asiis. Arditii leydi ndi ko kolonel Eli wul Muhammed Faal.
6 ut 2008, e Muritani, seneraal Muhammed Abdel Asiis jamfii laamu Siidi wul Seek Abdallaahi, toɗɗanooɗo e wooteeji laaɓtuɗi, lebbi 15 caggal nde ƴetti laamu.
