Fedde Huufngo e Momtugol humambinnaagu Debbo
Joɗnde Gooboowo e gardagol Sokna Bammbi Kamara, to Kayhayɗi, leegal Moderna.
Nde mooɓondiriino e koppe El Elmul Ma’ariifa e gardagol Yumma Mintu Siidi. Ɗe keɓi kopooreeje gummiiɗe e Dental Orop, Oxfam e Rosa. Ko caggal oon fartaŋŋe kañje ɗeen pelle ɗiɗi E.A.F.T e koppe El Elmul Ma’ariifa ɗe kuccani golle, e gardagolsokna Bammbi kamara.
28 oktoobar 2020 : juutagol golle. Ɓe ndewni heen :
30 oktoobar 2020 : ñalngu debbo dowri
Janvier février 2021: heblo, keɓtingol jokkorɗe renndo. Heblo ngoo yowitinoo ko e Dabi galle e Dabi cukalel e galle
5 marse : heblo faatungo e gardagol
7 marse : Ɓe mbaɗii oorngal hirjino ko faati e hakkeeji rewɓe.
13 marse : heblo yowitiingo e hakke debbo e keɓgol leydi tawi heblatnoo ɓe ko Jeynaa Baal e Aadama Konte. E nder ɗiin heblooji leeɗe sappo toɗɗanoo yoo tawtore. Ɗeen ngoni : Beelinaaɓe, Rinnjaw, Zedida, Siñcaan, Tinza, Tarhiil, Laten, Gurel saŋe, Gataaga e Gazra. Faandaare ndee ko heblude ɗee pelle sappo, ko mbele so pelle ɗee nduttiima e nokkuuji mumen, pammina heddiiɓe ɓee darnde e faandaare fotnde jogeede.
Caggal nde sokna Bammbi udditi, ko Abdallaahi rewi heen. E dow anndinde yimɓe ɓee ko woni faandaare ngoon heblo. Ko Sokna Jeynaa Baal adii yeewtude. O yaajnii e ɗee toɓɓe hee :
-Ɓiyleydaagu, Fodde e jojjanɗe, Hakkeeji yimɓe, Potal e fannuuji mum ko aldaa e ceerundal nguru ɗemngal haa e njoram.
Caggal makko ko Aadama kontee e toɓɓere mum “Hakke debbo e keɓgol leydi ”, sabu ndema ko e geɗe tammbiiɗe Ɓamtaare aadee jeyaa. Humpito heewngo heɓaama heen. Ina jooɗtoraa ne maa ɗuum waɗ batte e ɓeen rewɓe tawtoranooɓe ngoon heblo.
E nder ɗuum ne ɓe mbaɗii fodde lebbi ɗiɗi jeewte hirjino e yoga e leeɗe wuro Kahayɗi ngoo e saraaji mum.
Daawuuda Sammba Ndonngo
