Mboɗo fuɗɗoroo innde Alla joom yuurmeende huuɓnde e joom yuurmeende heeriinde.
Eɗen njetta Alla e Annabiijo mum, eɗen njetta musiɗɗo Maamuudu Haaruuna Joop e binndanɗe mum jowitiiɗe e jeyi leydi. Miin to bannge hoore am, e anndude mi jeyi leydi e ooɗo sahaa mo ngon-ɗen e ko fayi arde, jeyi leydi ko huunde jojjunde nde mo woni fof e men foti anndude ngam daraade yooltude hujjaaji mum. Ɗoon ɗo leydi e taaniraaɓe mum; emo ronaani, dokkaaɗo panndal walla ko Sammba remooru e mo alaa, foti ko ngannden no kuule ɗee e doosɗe ɗee lelorii. Waɗi mi haalde ɗum ko teskaade wonde so en ƴeewii aduna, leyɗeele mawɗe ɗee, ko wayi no Amerik, ko wayi no Siin leydi Mao Setung, leydi Union Sowiyetik, Farayse, Angleteer, Almaañ ekn, ngalɗiri ko leydi, ko ndema kaa addani ɓe ƴellitaade, to banngefaggudu,tobanngembaylaandi e karallaagal, ko kannje njiimi aduna oo. Ngam suurde kusumaaji e kareeli pirtooji leydi e sarde ɓesnguuji mumen, ɓe pelliti feccitaade leyɗeele ɗee dow nafoore ɓesnguuji ɗii e ngenndiiji mum en. Daartol hollirii en to Amerik e sahaa njiimaandi Abraham Linkoln, ko fayti e hare caru joom leyɗeele kañum e jannduuji paami ko nafoore ɓesngu e ngenndi ɓuri ardaade e nafoore heertiinde boomoore leydi ɓe njaɓi renndeede.
So en kaalii leydi men laamuuji men nde wonnoo ko yinnaaɓe njiɗi ko loppitde leyɗeele men e yeeyde ɗe joom kaalisaaji en, kuutoroo tawa alanaa en ngartam.Tijjaani Aan heɓiino wiyde “so a anndii anndin!” Musiɗɗo anndii, o anndinii en. Eɗen poti ƴaañaade e sarde jeeyngal ngam wallitde ɓesnguuji men e huɓindaade nafooje denndaaɗe ngam haa kaɓo-ɗen kalifaandi, fuunti e hoomtere e kala fannu. Banndiraaɓe ɓiɓɓe fulɓe Muritani mbiy-mi e mbiymaa-mi, nanooɓe e haalooɓe pulaar, ngenndiyankooɓe, ɓamten araaraay faggudu e ngowaari leyɗeele men ngam hisnude jeytaare men.
Sammba Gata Bah, hooreejo Catal FƁPM Kayahɗi
