Nde Malal fini, suudu turdu huuraaki e mum, dunel saraaji makko majjii. Kanko tan gooto e ladde, so dey wonaa o yiyi sera makko hudusuru ina loowaa ndiyam haa fettinii, ina wondi e cawel kelli. Ko Ñalaande hokki mo. Malal siftori nafooresawrukellikoreendeejinneejiladde.Oummiiojokki laawolmakko.Hankadi o fuɗɗiima hoolaade. Naange fuɗɗiima toowde e kammu haa o sooynii coggal beyi e baali. Gaynaako majji maa wonta ngiyi mum Malal, ko no o mo sewi, omo yoomi. Ɓe calmodiri no Jeerinaaɓe nii, Malal wiyi :
- « Jam woni e maa, banndi am ?
- Jam tan, banndi am ! Gaynaako o jaabii.
- Aɗa nanndi mi e cuniiɗo ! Malal naamndii.
- Ko ɗuum foti ! Ñawu inan yani e yimɓe wuro amen fof.
- Hol ko mbaaw-mi waɗande ma ?
Soklaani, gaynaako o heɓɓitii. Min njiytii safaara ñawu nguu. Kikiiɗe fof, min kuɓɓat jayngol, min nduppa waande ndee, ngam riiwde bonɓe adduɓe e amen ñawu nguu. Maa min mbonnu ɓe haa bona.
Malal jokki laawol mum haa yettii waande ndee. O meeɗaa yiyde waande foti nii mawnude. Ɗoon e ɗoon o fuɗɗii gollaade. O faya ñaamo, o arta nano, o hocca huɗo e leɗɗe joorɗe. Nde o dartinoo, waare mawnde leɗɗe inan sera waande ndee. “Maa wurankooɓe ɓee ndañ ko kuɓɓi duɗal mawngal, ndiiwa ñawu nguu”. Malal hocci sawru mum kelli e hudusuru mum fokkiti.
O woni e yahde haa miijo makko arti e baaba makko e yumma makko.Omo yaha tan, haa o yiyi mbaroodi leydi yeeso makko. O suuti sawru makko ngam fiyde mbaroodi ndii, haa konnguɗi Ñalaande ngarti e makko : « Won muñɗo, hoto huɓɓin ɓernde hay gooto. » Malal dartii, dillaani daalaani, o fadi ɗoon haa laadoori ndii yahi, o jokki laawol makko.
(Fulo winndannde “ La grande termitière ” hello page 8)
