Sinngapuur ko wuro-dowla wonngo to Asii Fuɗnaange-Worgo. Ɓeto wertallo leydi ndii (wuro ngoo) 699 km2. Ko ɗum 64 duunde. Ɓurnde mawnude ndee wiyetee ko Pulau Ujong (584,8 km2). Ko ɗum duunde ɓittunde koɗki, heewnde leɗɗe. waɗi noon ko nokku oo woni ko e ŋorol peccol, nokku oo woni e ƴiiwoole e toɓooli hitaande no woorunoo. Ko leydi (wuro) lollungo, anndaango no feewi e winndere ndee, anndiraango ƴellitaare faggudu mawnde, yaawnde. Gila ndi heɓi hoore mayri e hitaande 1965, Sinngapuur ƴellitiima no feewi kam fof e famɗude ko jogii e ngaluuji tago e heewnoode caɗeele renndo e faggudu (kareeli hakkunde leƴƴi, heewnoode ɓe ngalaa golle, caɗeele koɗki, keɓgol ndiyam) haa jeytaa e leyɗeele ɓurɗe ƴellitaade to bannge faggudu e jaŋde e cellal e laaɓal e kisal e juɓɓingol teeru. Ko ɓuri heewde e yimɓe wuro ngoo ko sinuwaa en (76,8%), ɗum nii ina jeyaa e sababuuji leydi ndii seegaade Malesi (Malaisie) ñalnde 9 ut 1965.
E kitaale 1980, leydi ndii ina jeyanoo e leyɗe ganndiranooɗe “Quatre dragons asiatiques”, woni ɗeen leyɗeele gonnooɗe e baasal mawngal ƴellitii ƴellitaare yaawnde, mawnde to bannde faggudu. E hitaande 2011, Sinngapuur ina jeyaa e leyɗe tati ɗe yimɓe mum ɓuri jogaade, kayri e Kataar e Luksammbuur. E hitaande 2009 ɓurɓe alɗude e winndere ndee, anndiraaɓe miliyoneer en, ko toon fof ɓurnoo heewde (kayri ɓurnoo Hong Kong e Siwis e Kataar e Kuwoyt). Ko ndi leydi ndeeƴndi. Gila ndi heɓi jeytaare e hitaande 1965, laamve mayri ko e galle gooto ummotoo. Hooreejo hilifaaɓe leydi ndii, hono Lee Hsien Loong, woni mo mbiy-ɗen ɓuri hooreeɓe leyɗe ɗee fof njoɓdi oo.
Sinngapuur
699 km2 : yerondiri ko e wertallo ngo njaajeendi e njuuteendi 26km.
- Wertallo : 682 km².
- Laamorgo : Singapour.
- Laamaandi : République parlementaire autoritaire.
- Hooreejo dowla : S. R. Nathan (depuis août 1999).
– Mawɗo hilifaaɓe : Lee Hsien Loong (depuis août 2004).
– Yimɓe : 4,8 millions d’habitants ; à 100 % urbanisée.
- Cukkudi : 6 751 neɗ. /km².
- Ɗaminaare nguurndam : 79 ans.
- Kaalis : Dolaar Sinngapuur.
- Ɗemɗe : engele, manndareere, (sinuwaa), maleere, tamuleere.
Kelmeendi
Cukkudi : densité
Péninsule : Duungel jokkondirngel e njoorndi tawi jokkorde ndee ko mosel leydi paaɗngel (feɗo) : ɗum wayi ko no duunde nde ndiyam taarii e banngeeji fof kono woppi mosel ɓurngel ɗum famɗude jokkondirngel ɗum e leydi keddiindi ndii.
Bookara Aamadu Bah
