Ñalnde aset 18 lewru kawle 2014, Taasoor Labbo Wañ yaltii aduna to Safrirde Ngenndiire Nuwaasot, caggal rafi juutɗo. Taasoor ko ñeeno ganni, joom dokke wonnoo, naalanke mo Alla waɗi, jahduɗo e jamaanu, belɗo daande, ganndo yimɓe, baawɗo jaraale. Ɗalhaya waasii, woyii sabu waasde e oo subaka ɓiɗɗo pajnooɗo gacce, mo yawaaki, hiitoraaki, gittannooɗo ɗum yeeweende. Fori ne kay janngitiima, suniima sabu wontaa yiytude ooɗoo gorko walla nande omo yima saka jirwinande mo kewuuji makko mbelemma so wonaa tawa ko e leppi nannganooɗi. Njaay Saydu Aamadu, Abuu Aamadu Joop e denndaangal terɗe Fooyre Ɓamtaare ena pecca sunaare e ɓesngu Ɗalhaya e kuuɓal sabu ndee ustaare, ena duwanoo denndaangal ɓesngu makko kanko Taasoor to Ɗalhaya sabu ngal baasal, no duwanortoo kala meeɗnooɗo huutoraade sawta e serem e nder winndere ndee.
Yo Alla yurmo mo, yaafoo mo, yantina mo e malaaɓe, fodanaaɓe sahre aljannaaji, barke makko heddoo e ɓesngu makko. Aamiin.
