Jagge departemaa Magaama e Faraa liitaama njilliima nokku oo ñalnde 29/03/2013. Ɓe ngari ko e 19 oto, ɓe njettii ko hedde waktu 2ɓo.
Ndeen yimɓe njooɗiima ko Abbaas wul Gellaay udditi haala, bismii arɓe ɓee fof, foɓɓanaa. Rewi e makko ko kolonel Sog, salmini banndiraaɓe ɓee, yaafnii ɗum en ko ngoppi haajuuji mum en e hammuuji mum en ngam arde jaɓɓaade ɓe. O wiyi o yiɗi ko yimɓe paama wonde jagge Magaama fof kawritii, ngontii kalaŋ gooto. Caggal makko federaal oo ƴetti konngol, salmini, yaafnii, jaari, holliti weltaare mum sabu mum « yiyde e Muritani duuɓi 36 jooni, wiyeede yo ɗemngal gootal, Pulaar tan yo haale, sabu ko fulɓe e safalɓe fof njiidi yumma e baaba ». Buuye Sammba Bah, hooreejo Catal FƁPM to Jinkeere Faraa Liitaama habrii wonde depitee departemaa Magaama, haalii haa yimɓe fof nani, wonde seertii e depitaagal ko fayi arde « jiɗɗo kala yo ƴettu ». Ɗumɗoon noon, e miijo makko, ko huunde nde weeɓaani e nder Afrik.
Abdullaay Huseyni Bah to Jinkeere
