Ñalnde 2 noowammburu jamma 2007, Dental Pinal Ceerno Njaay Bah to Daarnayiim yuɓɓinii hiirde diine mawnde e nder jamaa leegal ngal inniraaɗo kadi Ceerno o. Hooreejo Dental ngal hono, Mammadu Bookara lih, nde min njokkondiri, o hollitii min wonnde sabaabu hiirde nde ko yiɗde yeewtude ko fayti e Ceerno Njaay Bah, hono nguurndam mum e golle mum. Sabu den- tal maɓɓe ngal, kam e jamaa maɓɓe oo fof ko kanko ɓe inniri. Daayiira makko kadi ina woodi.
E naamndal hol ko dental maɓɓe ngal fuɗɗii liggaade gila sosaa e hitaande 2005 haa jooni, musiɗɗo oo hollii wonnde ɓe keɓii mahde jumaaji ɗiɗi, heen gooto woni ooɗo gonaaɗo, ɗiiɗaɓo o, mahaaɗo e 2006 woni ko Baabaaɓe, mo nganndu-ɗaa wortaama, heddii tan ko bilngo. ;o e jamaa maɓɓe he, 7uraana ina jannginee heen, fotde 40 almuudo ina mbinnditii heen, tawi ko Ceerno Saada Abuu Njaac, almaami jamaa o jannginta ɗum en. E naamndal amen ko ɓe puɗɗii gollaade to Baabaaɓe, tawi wonaa tan mahngo jamaa Ceerno Njaay e Duɗal Ceerno Njaay gonngal toon ngal ; musiɗɗo o hollitii wonnde eɓe njanngintunoo toon Ruraana e arab, kam e pulaar. Fotde 100 neɗɗo ina mbinnditinoo toon e duɗal pulaar ngal, 40 tan ngonnoo heen duumiiɓe, ɓe njuɓɓinii toon jeewte tati lislaam; kono e ooɗo sahaa, sabaabu wooteeji ɓennuɗi ɗi, kam e lewru koorka kam e liggeyaaji jolal waalo ngal ina wayi no Jaŋdende ko dartiinde. Ko maa hitaande ndee maaya nde ɓe ɓamtita kadi. Sabu teskaade golle mawɗe gonaaɗe e Dental ngal , ko wayi no mahdi jamaaji, ko fayi arde, eɓe poti ummanaade muulde defte Ceerno Njaay winndunoo. Min naamndiima hooreejo fedde nde mbele won to ɓe meeɗi heɓde balle ummoraade e laamu maa juɓɓule ballitooje ɗe ngonaa laamuyankooje, musiɗɗo o hollitii wonnde fof ko e jaybaaji maɓɓe tan ummotoo. Ardinaa hiirde nde ko Ceerno Haamiidu Baal e Abdullaay Najiiru Baal. Ɓeeɗo ko taaniraaɓe Ceerno Njaay. Hiirde nde udditiraa ko Jaŋde7uraana e daande Abuubakri Njaac Almaami jamaa o. Nde o joofni, Ceerno Abuu Lih, e Haamiidu Baal kollitii wonnde faayiida e anniya baɗaaɗo e jamma o, ko anndinde diine, sibu ko ɗum wonnoo golle Ceerno men, waliyyu fuutankooɓe hona Ceerno Njaay Bah.ɓaɗde noon, so omo waɗanee hiirde, wonaa tan haalde asko makko, alaa! Ko anndinde darnde makko e anndinde Alla, woni jannginde diine islaam, daranaade lislaam, anndinde yimɓe ko Alla yamiri e ko haɗi. Kam e darnde jokkere enɗam o wuurnoo. Eɗen nganndina banndiraaɓe ɓe wonnde hiirde nde wonaa tan haala meha, sibu sanɗaaji keewɗi, ummoriiɗi e leeɗe Nuwaasoot tawtoraama ngam jirwinirde nde jime lislaam. Ɗum yuɓɓii no feewi, sibu yimɓe heewɓe ngummiima leeɗe goɗɗe ngam tawtoreede jammaagu ngu.
Mammadu Maamuudu Baal Nelaaɗo Fooyre Ɓamtaare
