Ardorde Jaaye* Toownde (Haute autorité de la presse et de l’audioisuel) yaltinii bayyinaango ina hollita heen wonde leydi Muritani waɗii taaɓal teskinngal to bannge demokaraasi caggal wooteeji battindiiɗi ɗi, wooteeji laaɓtuɗi, bellitiiɗi. E wiyde bayyinaango ngo, ɗum ina feeñi e nguurndam jaayɗe ɗe, sibu, hare (censure) iwii, jaayɗe e ina mbellitaa tee nattii sunneede ; ɗum ina jeyaa e ko addani Muritani wonde hannde tiimtorgal to bannge wellitaare jaayɗe e miijo e nder diiwaan o. ɗum ɗoon nii, e wiyde bayyinaango ngo, ina maantini e jaaynirɗe dowla o, sibu ɓe nattii dartoraade waɗde parbagaan laamu tan, ɗe udditaniima denndaangal gollooɓe politik, miijooji maɓɓe ko mbaawi wonde fof, e ɗo ɓe mbaawi heedde fof. Darnde HAPA e nguu ɗoo mbayliigu ina maantini, sibu, ko kam fuɗɗi diisnondiral hakkunde denndaangal waɗooɓe politik kam e gollooɓe nder renndo e juɓɓule laamu ngu mbele sarɗiiji ina mbaawa lelneede, ɗo yimɓe mbaawata tuugaade ngam golloraade jaayɗe ɗe e sifaa laaɓtuɗo. Ɗeen ɗoon doosɗe nanondiraaɗe tuugii ko e calɗi tati garooji ɗi :
– reende keewal miijooji politik e nder juɓɓule jaayɗe e dowla ko aldaa e paltoor (firti ko miijo gollotooɓe heen ɓe tesketaake, walla boom ina yiɗaa miijooji ɗiɗi fof tawee e maɓɓe ….)
– tiiɗtingol darnde jaayɗe dowla e nder ƴellitaare leydi ndi, rewrude e bayyingol golle laamu ngu jowitiiɗe e nguurndam ɓesngu leydi ndi ; Teskaade doole partiiji politik to bannge woote e nder peccitagol waktuuji to jaaynirɗe dowla o, tawa noon ina gaddanii pelle politik ɗe ngalaa depiteeji kam e pelle renndo, waawde kam enne huutoraade jaayɗe ɗe ngam bayyinde tuugnorɗe mum en. Helmere « jaayɗe » ina toɗɗii : jaayɗe binndaaɗe e kaaleteeɗe e jiyeteeɗe (suurnooji, rajooji e teleeji e internet), kala ko ina nawa kabaaru (kala ko ina jaayna), e sifaa kala.
Bookara Aamadu Bah
Découvrez Nos Projets Récents
Cette section met en avant les projets clés, illustrant la créativité, l’expertise et la valeur apportée par notre travail.
Sous-titre du projet un
Projet Un
Sous-titre du projet deux
Projet Deux
Sous-titre du projet un
Projet Un
