Holi ɗeen ?
Waylude ngonka weeyo. ɗum woni, e yeru, duppitde keneeli bonɗi, nguleeki, ɓuuɓol, toɓooli ɓurtuɗi, walla boom yerɓinde leydi. ɗum ɗoon noon ko ngam huutoraade ɗum no kaɓirɗe golwole nii. Konu Amerik ɓamii huutoraade ɗee kaɓirɗe ko ina wona jooni duuɓi capanɗe joy. E nder wolde ɓietnaam (Vietnam) ɓe kuutoriima peŋgol duule mbele diƴƴe ina udda won ɗiin laabi ɗo soldateeɓe ɓietnaam ndewatnoo. Won jokkondirɓe ɗum e keneeli boomɗi Birmaani hikka, kam e yerɓannde leydi to Siin e ko ɓooyaani ko. Sibu, hojomaaji 10 ko adii nde leydi yerɓata toon hikka, yimɓe ceediima geɗe kaawniiɗe e asamaan he, so duule jilluɗe goobuuji keewɗi : ko wojji, oolɗi, bulɗi.
Leydi Siin fuuynaani ɗum sibu ɓe ngoni ko ƴeewde so tawii alaa ko jotondiri ɗum e yerɓo leydi ngo. Gila e jooni won fuɗɗiiɓe takkude Amerik. … Ko woni yeeso daɗaani gite.
