Lislaam ko ɗoftaare terɗe, to konngol, e to golle. Maanaa ko joom mum yo jaɓan Allaa kala ko o yamiri, e ko o haɗi, foti ina hawran ma walla…
Goongɗingol (Liimaan) : Goongɗingol ngol ko gooRɗinde Alla, e malaykaaji mum, e defte mum, e nelaaɓe mum, e ñalawma cakkitiiɗo, e gooRɗinde hoddiro ko moƴƴi heen e ko boni heen fof, gooRɗina ummital, Siraaɗi, peesirɗe golleeji, weendu Nelaaɗo Alla sallallaahu aleyhi wa sallam. Jarɗo heen fof wontaa ɗomɗu. Yo Alla yarnu en e mayru, naatna en Aljanna, daɗnda en e jayngol. Moƴƴingol (Lihsaan): Moƴƴingol ngol ko tawnude Alla, so aɗa rewa ɗum, haa mbayaa no aɗa yiya mo nii ; so a yiyataa mo, mbaɗaa kanko kam omo yiy ma.
Doosɗe Lislaam ko 5 :
1. Ceedaali ɗiɗi ɗi : – Goo, deweteeɗo alaa so wonaa Alla. – Ɗiɗi, Muhammad ko maccuɗo makko, nelaaɗo makko.
2. Juulde : – Subaka, so fajri feerii, haa gite laaɓa ɓuri, walla haa naange fuɗa. – Tiisubaar, so ñalawma feccondirii, haa takkosaan, maa haa mutal. – Takkusaan, so kikiiɗe feccondirii, haa o feccitoo, walla haa mutal. – Futuro, so naaaange mutii, ko hedde minitaaji 40 en, walla haa fajiri. – Geeƴe, so batte mboɗeeri naange ndii gasii, haa tataɓal jamma gadanal, walla haa peeral.
3. Tottude asakal : – Kaŋŋe, tuggi menkelle 20 ; kaalis daneejo, tuggi 200 mb (2.5%) – Ndariindi : na’i, tuggi 30 ; ndammiri, tuggi 40 Ɗe gelooɗi, tuggi 5. – Ndema : ko waawi wuureede e mooftaade ko juuti, so munnginii, walla wuylinii. Tuggi e 600 kg (10%) ; so ko yarnaa (5%)
4. Hoorde Koorka : Jeenaɓiiru e lewru raneeru. Tuggude e jiyɗe haa jiyɗe, walla haa ndu timmina balɗe 30.
5. Hajjoyde suudu Kaaba : ɓaɗɗii ko baawɗo, jogiiɗo, kooli- ɗo. Debbo ina ɓeydanee heen wondude e joom haram, walla joom galle mum, walla sete koolniiɗo. Hajju ne, ina heewi ɓural, heewi teddungal, aduna e laakara. Ɗee geɗe joy, kala jedduɗo baɗ- ɗagol gootel e majje ko keefeero. So o yeddaani, kono o salii waɗde, omo muñanee haa huunde ndee yonta faataade, so o waɗaani o wardee hidda. Yo Alla rokku en goonnfɗude !
Ittaa ko e CAAFAL, T°16, hello 13, LISLAAM
