Ñalnde aset 4 noowammbar 2006, batu mawngu hakkunde Siin e Afrik udditii to Pekin. Ina tawtoraa batu ngu fotde 35 ardiiɓe leyɗe Afrik kam e 13 nulaaɗo leyɗe ɓe Afrik goɗɗe.
Tiitoonde batu ngu wonnoo ko » jam, gollondiral e ɓamtaare « . Ngalɗoo kawrital diplomaasi ngal hono mum meeɗaa waɗde to leydi Siin ina hollita yiɗde leydi Siin tiiɗtinde jokkondire mum e leyɗe Afrik.
E nder konngol makko udditirgol, mawɗo leydi Siin o, hono Hu Jintao, hollitii wonde » e nder ooɗoo yonta keso, nafooje leydi Siin e leyɗe Afrik ina ɓeydoo ñalnde kala ɓallondirde « , caggal ɗum o wiyi wonde, ɗo e hitaande 2009, maa ballal leydi makko feewde e leyɗe Afrik sowo laabi ɗiɗi.
O wiyi kadi wonde ma o ñamlu Afrik fotde miliyaaruuji 3 dolaar e nder duuɓi tati payɗi ɗi, tawa ko wondude e pawnaari seeɗa, ɗum jiidaa e miliyaruuji ɗiɗi dolaar ballal ngam wallitde ƴellitaare. O habrii cosgol booñ Siin-Afrik e keblugol 15 000 gollotooɓe Afriknaɓe e nder fannuuji ceertuɗi, udditgol 100 ekkol e nder nokkuuji dowri, mahngo 30 safrir- de (Lopitaal) kam e santaruuji 10 ngam haɓde e jontinooje.
Ɗum jiidaa e bursuuji ɗi ɓe njogori rokkude sanɗaaji Afrik, hakkunde 2 000 e 4 000 bursi, neldugol ann- duɓe ko fayti e ndema ngam wallitde ɓamtaare Afrik.
AMI/Bookara Aamadu Bah
