Joɗnde cuuɗi sarɗi ɓennunde ndee yeewtii kadi ko faati e ɓeto kaalis hitaande 2013 (woni eɓɓaande no kaalis hebirtee e no huutorirtee). Ina jeyaa e geɗe maantinde ngoon ɓeto kaalis, ko ebbaa ina jogori huutoreede e mahngo (laabi e kuɓeeje ekn…), fotde 26 miliyaar ugiyya. Heen miliyaar jogori huutoreede ko e mahngo boowal laaɗe diwooje kesal Nuwaasoot ngal, ngal nganndu-ɗaa waɗii haalaa no feewi.
Fotde 24 miliyaar maa feccitoye e mahngo laabi hakkunde gure e nder leydi ndii, ko wayi no laawol Kayhayɗi-Mbuun-Sehilbaabi-Guray ɓamngol haaleede ko ɓooyi ngol. Walla mahngo taƴre Kiifa-Tintaan, laawol faayde Keer Maseen, laawol Attaar-Tiisiksa, e laawol Tiisiksa-Kiifa-Sehilbaabi-Kaay (Mali)… e peewnitgol laawol Nuwaasoot-Rooso, laawol Aftuut fuɗnaange, Neema-Banngu, Ñaabina-Mbaañ, Fderiik-Tuwaajiil.
En maantiima, ɗoo e hitaande, so Joomiraaɗo muñanii en, maa en kaaltid ɗuum, ɓayri kaalis mum еɓɓаата е hitaande ndee ɗoo, ko geɗe potɗe siyneede e hitaande hee.
