Won annduɓe kabri njiytii ngilngu toko-ñillu (ngu yiyotaako e yitere mehre) nder weendu “Great Salt Lake”, weendu haaɗndu haa ɓurti, to Dental Dowlaaji Amerik (DDA). Ciirol ngol inniraama ko “Diplolaimelloides woaabi”, ngol jeyaa ko e leñol nématodes (nematooɗi).
Taariindi weendu “Great Salt Lake” ko taariindi mettundi wuurde, kaaɗndi lamɗam, ndi nguli mum waylotoo no feewi, ɗo yoga e kulle mbaawaa wuurde. Ɗum noon jiytugol ɗoon ngol ɗoo ciirol na hollita muñal maggel, e kattanɗe maggal wuurde nder nokkuuji bonɗi.
Annduɓe ɓee cunniima peeje nguurndam gaddanɗe ngel kullel wuurde he ndii taariindi, haa teeŋti e waawde muñde kaaɗeeki lamɗam e ɓittere taariindi mum. Ɗee golle ine mbaawi ɓeydoyde faamamuya men no ciiri kulle ngoowtirta mbayliigaaji ngonka weeyo.
Ngal jiytal ine siftina kadi wonde keewal ciiri kulle dow leydi ine woɗɗi anndideede, hay nder taariiɗe goowaaɗe, ɓooyɗe wiɗteede.
Ɗii kewɗi tati ine kolla keewal e coftal wiiño ganndiwo yonta hannde kaa. Gila he lowlowi Tageefo, ngal ƴeewde geɗe weeyo piltooje (ɗe keewaani) walla ɓeydaade faamde caɗeele jotondirɗe e baɗtane tagofeere men Leydi e ɓaɗtane winndere.
“Diplolaimelloides woaabi” ko gilngel ngel yiyotaako he yitere mehre, guurngel nder leydi e ndiyam, nafowel he ñiiɓal tago (sewlo), ngel alanaa ko bonnanta neɗɗo.
