Kurkoori e Pennda Mbasu ko tikkondirɓe kadi, no ɓe ngoowri waɗde. Hay gooto e maɓɓe yiɗaa fuɗɗude haala. Kurkoori ina waaldi dawol, etee omo yiɗi Pennda Mbasu findina mo ko adii juulal ndoogu. Nde wonnoo kamɓe ɗiɗo fof ko ɓe winndooɓe pulaar, Kurkoori woppi haa Pennda Mbasu lelii e mbalndi mum, o ƴefti kaayit o winndii heen “findin am hade jamaa noddinde gadanol, mbeɗe dawana wuro Ndermbasu”.
O takki kaayit o sara aflorde Pennda Mbasu, mbele ina yiya. Weeti subaka, nde Kurkoori fini tawi naange fuɗii. O sekani Pennda Mbasu ko findinaani mo ko. O ƴeewi aflorde Njabu, o sooynii kaayit mo o winndunoo o ina sowii. O ƴefti kaayit o, o tawi Pennda ina winndi les ko o winndunoo ko; “Fin hankadi, jamaa noddinii gadanol”.
