Cate FƁPM puɗɗiima waylude jiilirɗe mum en. Catal gadanal waɗde ɗuum ko Catal Daar Nayiim Nuwaasoot ñalnde 14/11/20, ɗimmiti ngal ko Catal Sehilbaabi ñalnde 21/11/20. Sappo e joy Catal nootinooma he joɗnde mooɓondiral jooɗinoonde ñalɗi 28 e 29 desaambar 2019. Caggal kala mooɓondiral, cate fedde ndee kala ine poti hesɗitinde jiilirɗe mum en, caggal nde terɗe mum kesɗitini jeyegol mum en he fedde hee, terɗe kese naati nde…
Cate Fedde Ɓamtaare Pulaar he Muritani puɗɗiima waylude jiilirɗe mum en. Catal gadanal waɗde ɗuum ko Catal Daar Nayiim, ɗimmiti ngal ko Catal Sehilbaabi.
Catal Daar-Nayiim hesɗintini yiilirde mum ko ñalnde aset 14/11/2020. Joɗnde ndee jooɗaa ko to Zaataar galle Ifraa Alhajji Boli. Fodde 62 tergal he catal ngaltawtoraa-ma joɗnde ndee. Arannoo Yiilirde Ngenndi nootaade he bismaango catal ngal ko kalfinaaɗo eddaagu Aysata Aamadu Bah, kalfinaaɗo kaalis e ngalu Aamadu Haaruuna Sih, e kalfinaaɗo jaŋde Mammadu Njobbo Jah.
Ko nii Yiilirde hesere ndee lelorii :
- 1. Hoyreejo : Aysata Mammadu Jallo
- 2. Cukko hoyreejo : Usmaan Lih
- 3. Koolaaɗo kuuɓal : Baru Demmba Bah
- 4. Kalfinaaɗo nehdi e jannde, e jannde mawɓe e heblo: Mustafa Jaw
- 5. Kalfinaaɗo pinal : Mallaa Sal
- 6. Kalfinaaɗo eddaagu : Mariyam Soh
- 7. Kalfinaaɗo kumpital e dallinannde : Alhajji Ifraa Boli
- 8. Kalfinaaɗo kaalis e ngalu : Mariyam Demmba Bah
Hoyreeɓe teddungal :
1. Mammadu Bookara Lih
2. Ifraa Alhajji Boli
3. Saalif Siley Soh
4. Abdul Sih
Catal Sehilbaabi
Catal Sehilbaabi wayli yiilirde mum ko ñalnde aset 21/11/20. Yiilirde ngenndi neldii toon lappol e gardagol hooreejo fedde ndee, hono Bookara Aamadu Bah, wondude e kalfinaaɗo jaŋde hono Mammadu Njobbo Jah e kalfinaaɗo eddaagu hono Aysata Aamadu Bah, ngam tawtoreede kesɗitingol catal ngal. Batu kuftodinngu nguu yahrii no feewi, yimɓe heewɓe kadi tawtoraama. E fawaade e seedamfaaguuji tawtoraaɓe ɓee, kala ko yaakoranoo e joɗnde hee heɓaama heen.
Ko nii Yiilirde hesere ndee lelorii :
Hooreeɓe teddungal
– Saydu Haaruuna Soh
– Saalif Sammba Soh
– Idi Alhuseyni Jallo
– Sammba Yero Bah
- Hooreejo catal : Aadama Haada Jallo
- Cukko hooreejo : Aliu Mbaare Jallo
- Koolaaɗo Kuuɓal : Yaayaa Fuunti Soh
- Kalfinaaɗo jaŋde mawɓe e nehdi : Muusaa Bohum Soh
- Kalfinaaɗo Pinal : Alasan Moodi Bah
- Kalfinaaɗo eddaagu : Haajiratu Kaaliidu Bah
- Kalfinaaɗo kumpital e dallinannde : Muusaa Abuu Soh
- Kalfinaaɗo kaalis e ngalu : Saydu Sammba Sih
Yiilirde hesere toɗɗaande ndee maa jokku golle yiilirde yaltunde ndee haa teeŋti e waɗde jeeyngal e denndaangal gure fulɓe gonɗe he Gidimaka, mbele konngol ɗowol golle biyngol “WURO FOF PEŊGAL MUM, KO FAMƊI FOF !” ine laatoo. E ngal anniyii semmbinde jaŋde e hirjinde yimɓe ɓee mbele paandaale paatuɗe e laawɗingol ɗemɗe ngenndiije kam e naattingol mum en nder tippudi nehdi e jaŋde ine njettee. Eɗen ciftina tan catal Sehilbaabi ko ɓooyngal, sibu ngal sosaa ko ñalnde 12/02/1978, to Galle Muhammed Ɗaahaa Bah, e tawtoreede 45 neɗɗo.
Yiilirde adannde catal Sehilbaabi ko nii lelorinoo :
- Hooreejo teddungal : Almaami Daraame
- Hooreejo Catal : Muhammed Ɗaahaa Bah
- Koolaaɗo Kuuɓal (KK) : Kaaliidu Bah
- Cukko KK : Aamadu Mayram Gey
- Kalfinaaɗo ngalu : Muhammed Mustafa Baal
- Koroowo ngalu : Demmba Sammba Soh
- Kalfinaaɗo pinal e ñeeñal : Umar Alasan Jah
- Kalfinaaɗo jeeyngal e njuɓɓudi : Ismaayiila Jallo
- Kalfinaaɗo jokkondiral Umar Sammba Jallo
Fooyre Ɓamtaare
