Duuɓi tati deggondirɗi hikka, ko jaaynde Forbes ina waɗa Waladmiir Putin (Vladimir Poutine) neɗɗo ɓurɗo heewde doole e winndere ndee. Sukki e makko e ɗuum ko Angelaa Merkel (Angela Merkel) e Barak Obama. Ina gasa tawa wonaa ɗuum woni miijo yimɓe heewɓe, miijotonooɓe wonde ko Obama foti heedde yeeso sabu mum ardaade leydi ɓurndi doolnude e winndere ndee. Kono jaaynde Forbes, ina jogii dalillaaji mum. Ko ngol nii woni tataɓol ko ɓe ndokka mo ɗee doole. Ina jeyaa e hujjaaji ɗi ɓe kaali, wiyde wonde, e winndere ndee, kanko hooreejo leydi Riisi oo, omo « jokki e hollude yimɓe wonde o jeyaa ko e yimɓe seeɗa e winndere ndee, baawɗo waɗde ko welaa ».
Ɓe ciftini kadi « ko o neɗɗo lolluɗo », mo leyɗe hirnaange etii ɓiɗtude e leefnude kaalis leydi mum, kono ndonki yo ɗuum baɗtin e leydi hee.
