Leydi Siin huniima tottude leydi Muritani 300 miliyoŋ Yuan (kaalis mum) woni hedde 16 miliyaar ugiyya ɓooyɗo oo ngam mahngo gostorgal laabi (ɗii ndewa dow, ɗii ndewa les) e nokku laabi celi (karafuur) Madrid e nder wuro Nuwaasoot. Huunde e oon kaalis ina foti kadi huutoreede e coodgol kaɓirɗe ngam ɓeydude kisal kanndaa (boowal diwooje) Umtunsi. Ngalɗoo nanondiral gollondiral karallaagal e faggudu hakkunde Siin e Muritani, siifaa ko ñalnde 16 saawiyee 2018.
Ɗumɗoo ko huunde nde Nuwaasootnaaɓe mbeltotoo sibu oon nokku ina heewi jiiɓru e waktuuji dawol walla jippagol gollooɓe, tee ko ɗoon laabi ummiiɗi nder leydi ɗii kala pottata : laawol Neema (fuɗnaange), laawol Rooso (worgo), laawol Aksuus (rewo). BAB
