Artemis : ruttaade lewru

0
114
Artemis, ruttaade lewru
Artemis, ruttaade lewru

Lappol weeyo biyeteengol Artemis ngol Nasa yuɓɓinta diwata ko altine 29/8/2022, ngol waɗata ko balɗe 42. Ɗanngal haa lewru tawi alaa jolɗo heen, keblangol no moƴƴi maa addan Nasa heɓde nate kaawtorɗe kam e keɓe paayodinɗe.

Eɗen ciftora, e hitaande 1969 ameriknaaɓe tato njippiima he lewru, njaɓɓi he lewri mum. Ngaal tuuugnorgal nawnongal aadee dow lewru wiyetenoo ko Tuugnorgal Appolo. Lappol nawnongol toon yimɓe ngol wiyetenoo ko Appolo 11, ɗum waɗnoo ko ñalnde altine 21 sulyee 1969.  Faandaare ngool ngaal tuugnorgal ko hollitde wonde Amerik waawi Riisi to bannge weeyo. E oon sahaa tawi Riisi ine yahri heen yeeso no feewi. 

Tuugnorgal Artemis ko tuugnorgal weeyo koɗangal ngal Nasa lelni. Faandaare maggal ko nawde yimɓe dow lewru ɗoo e hitaande 2025. Lajal duttagol aadee dow lewru ngol Nasa eɓɓunoo e hitaande 2028, tawi lajnaaka haa laaɓti, raɓɓitinaama duuɓi 4, dottanaa paandaale ɓurɗe laaɓtude, woni tuugnorgal Artemis. Ngal tuugnorgal foti yuumtude ko he juɓɓingol lappi duumiiɗi faade lewru, kam e compugol dow lewru too poosto (hoɗorde) duumiiɗo. Tuugnorgal ngal maa aaɓnu ƴeewndagol kaɓirɗe e lelnugol peeje wonande lappi jogorɗi yuɓɓineede faade tagofeere Mbaañ (Mars). Ciynugol lappi tuugnorgal Artemis ine ɗaɓɓi tafgol laakon weeyo keewkon : lottooji ñisɗi (SLS), laana weeyo Orion (tafngo mum fuɗɗiima e hitaande 2010), laana lewru kesa pul (Human Landing System (HLS)) mbaɗiraaka jolnude yimɓe e jippinde ɗum en dow lewru, lappi masiŋeeji (ɗi ngalaa yimɓe) potɗi heɓtinde e waɗde wiɗtooji ganndal timmitinirɗi. Cammalal lappi ɗii fof tuugotoo ko he laana weeyo Lunar Orbitol Platform Gateway (LOP-G), potka deŋeede he jirlol lewru, wona ƴaaŋirka hakkunde Leydi (Ngaawe) e Lewru.

BAB

Woppu jaabawol

Winndu yowre maa
Winndu ɗoo innde maa

Ce site utilise Akismet pour réduire les indésirables. En savoir plus sur comment les données de vos commentaires sont utilisées.