Ko heewi waɗeede e kala guurte mawɗe e gure men ko jonte e ñalɗi pinal e coftal ɓalli jirwinooji, njeewtina gure ɗe, hawra e ndunngu toɓii, leydi leppii, ladde ñaantiima puɗi ladde, jawɗeele kaarii, kala jannginoowo walla janngintunooɗo arii guurti : ko e oo sahaa tigi weli waɗde golle pinal. Ko e oon sahaa hikka Fedde Tiimtimaare Likseyba Gorgol waɗi no heewnoo waɗande Likseyba e diiwaan mum, so yuɓɓinande ɗum ñalɗi pinal.
Ko ñalnde 25 e 27 sulyee 2009 ñalɗi ɗi njuɓɓinaa. Ko subaka 25/07/09 ñalɗi ɗi udditaa to dingiral mawngal jeere Likseyba e tawtoreede pelle pine wuro ngo kam e catal Fedde Ɓamtaare Pulaar e Muritani.
Ko heewi waɗeede e kala guurte mawɗe e gure men ko jonte e ñalɗi pinal e coftal ɓalli jirwinooji, njeewtina gure ɗe, hawra e ndunngu toɓii, leydi leppii, ladde ñaantiima puɗi ladde, jawɗeele kaarii, kala jannginoowo walla janngintunooɗo arii guurti : ko e oo sahaa tigi weli waɗde golle pinal. Ko e oon sahaa hikka Fedde Tiimtimaare Likseyba Gorgol waɗi no heewnoo waɗande Likseyba e diiwaan mum, so yuɓɓinande ɗum ñalɗi pinal.
Ko ñalnde 25 e 27 sulyee 2009 ñalɗi ɗi njuɓɓinaa. Ko subaka 25/07/09 ñalɗi ɗi udditaa to dingiral mawngal jeere Likseyba e tawtoreede pelle pine wuro ngo kam e catal Fedde Ɓamtaare Pulaar e Muritani.
Ko heewi waɗeede e kala guurte mawɗe e gure men ko jonte e ñalɗi pinal e coftal ɓalli jirwinooji, njeewtina gure ɗe, hawra e ndunngu toɓii, leydi leppii, ladde ñaantiima puɗi ladde, jawɗeele kaarii, kala jannginoowo walla janngintunooɗo arii guurti : ko e oo sahaa tigi weli waɗde golle pinal.
Ko e oon sahaa hikka Fedde Tiimtimaare Likseyba Gorgol waɗi no heewnoo waɗande Likseyba e diiwaan mum, so yuɓɓinande ɗum ñalɗi pinal.
Ko ñalnde 25 e 27 sulyee 2009 ñalɗi ɗi njuɓɓinaa. Ko subaka 25/07/09 ñalɗi ɗi udditaa to dingiral mawngal jeere Likseyba e tawtoreede pelle pine wuro ngo kam e catal Fedde Ɓamtaare Pulaar e Muritani.
Caggal nde terɗe Fedde nde kebli seppo, ndarii e dingiral he, ƴetti konngol ko Alasan Bayaa Jah e innde Fedde nde, o bismii arɓe tawtoreede udditgol ngol, o siftini ko wonnoo fayndaare Fedde nde ko daranaade jaŋde e haɓde e humambinnaagu e majjere e wuurtinde finaa tawaa men. Ko noon ne ɓe ndaranii laaɓal e ngootaagu ɓesngu nokku o.
Nde o rowi ko Maamuudu Demmba Bah ƴefti konngol, siimti huunde e golle Fedde nde gollii tuggi nde sosaa e hitaande 1994 fayde jooni.
O jokki e faamninde yimɓe njuɓɓudi seppo ngo tawi seppooɓe ɓe ina mbaɗi lasal e yeeso dingiral ngal. So tawii a ndaarii ngoo seppo ma a dañ ko aɗa ñaammina gite ma Alla e yooɗde e ciŋke rewɓe ɓe e worɓe ɓe, mo woni kala ina feeñi e ɓoornungal mum gollal yiɗi feeñninde e geɗe men goodnooɗe walla haa hannde won heen goɗɗe bayliiɗe.
Adii naatde ko golle ndema, gila e lewoowo tan haa yettii jabboowo e luwoowo e gaawoowo e bekkoowo, noon noon haa yettoyii kiwoowo, coñoowo, doɓtoowo, joom horde e joom cengelal, alaa ko diwaa heen. Ngaynaaka feeñi e seppo he ; aga joom sawru, bakkiiɗo bidoŋ, ina hippi lahal ɓirdugal e hoore, ina sinndii laɓi e jaasi, wakkii rajo, hoɗdu ina hoɗa. Omo ama ngamri ina wiyee «jaabara». Ko noon kadi wonande awo e kaɓirɗe mum. Waaño yeebaaka, holliraa no baañoowo sormitortonoo e njogitaaje mum gila e fetel e mbaangu e laɓi ekn … Bifgol paggiri e ndiiriiri saanga nde ɓenndi : cabalal yiyaama. Bifoowo ina juuwa huɗo. E nder ngoo seppo pullo cippoowo doondiiɗo horde ina naati sahre ina sippa barja e haaɗi-haaɗa. Cañu gude e cañu beɗi e ñorɗe maa ndaaranaa hoore ma oo geese peŋaaɗo e hakkunde dingiral cañoowo ina yooɓii jimɗi dillere. Mahbuɓe rewɓe mahooɓe looɗe e julɗe e pehe e geɗe ballooje nguurndam feeñii e seppo he. Lawɓe dawooɓe feƴƴere, maalaw joom gorbi, tamɗo jammbere purtinoowo fowru feƴƴa wowru. Rewi heen ko lawɓe yeeyooɓe lehe e boɓi. Baylo joom fulla e taande, bayloowo ɓaleeri e ndaneeri, ciŋkatnooɗo jolɓe, ñaanta yontaaɓe, yiyaama e dingiral he. Ɓooyaani bawɗi tunngi, mbiruuji naati dingiral, piyi ŋaayelaaji, ngoni e geewaade, ɓe caataa kelle. Jaambareeɓe reennooɓe kisal yimɓe e jawdi ngarii e dingiral he, wammbaaɓe joom kolli en ina ndewi e maɓɓe, ina njaara, ina ciimta golle e balle moƴƴe haŋki. Diine ko e finaa-tawaa men, ko ko ɓuri tiiɗde en jeyaa, ko ɗum tagi ceerno joom almudɓe feeñani yimɓe e dingiral he.
Udditgol ngol uddiraa ndiftungu, jommbaajo garɗo ina muurnii, ina ardi e dammbooɓe e yeewtooɓe.
Kikiiɗe, hedde waktu 6ɓo, ko jalluɗi ceeɓndam njuɓɓinaa, naamne e fannuuji kala naamnaama.
Jamma, waktu 9ɓo ko hiirde welnere Maamuudu Demmba Bah e duɗal mum Pulaar.
Ñalnde 26 nde dawraa ko pittugol wuro no diidorinoo, tuggude waktu 9ɓo subaka. Waktu 5ɓo kikiiɗe hirndoraa yeewtere «darnde suka e renndo» tawi yeewti ɗum ko Maamuudu Gise mo Ɗalhaya. Waktu jeenaɓo jamma, ñalɗi ɗi uddiraa tinndinoore «dewgal waawnere».
Abuu Aamadu Joop.
