Nasa yiytii ndiyam nguurnojam dow tagofeere Mars : Weltaare NASA ina mawni heen no feewi. Yiyti ɗaam ndiyam kenaniiɗam nguurndam ko roboo Opportunity. Ɗaam ndiyam kadi tawaa ko e haayre ɓurnde hiiɗɗude nde roboo loskiti haa e oo sahaa. Roboo oo noon, ko junngo wooto heddoraa gila walabo ngoya junngo kalii.
Njaaweeki makko e dow Mars ko 50 meeteer ñalawma kala. Opportunity e funeere mum Spirit mberlanoo feewde Mars ko e hitaande 2003. Ɗi njettii tagofeere ndee ko e saawiyee 2004. Ɗi potnoo waɗde toon ko lebbi tati fat, kono ….
————————————
Hol ko tagi rewɓe ɓuri worɓe juutde balɗe : Ɗum nattii wonde sirlu : rewɓe ɓuri worɓe heewde juutde balɗe. Hol ko saabii ɗum ? Sabaabu majjum, e wiyde annduɓe Sapponnaaɓe, ko njuɓɓudi kaɓtagol ɓalndu: ɗum firti ɓalndu debbo ɓuri waawde haɓtaade ñawbuuli. Ɗum noon tawaama ndiin njuɓɓudi ɓuri tiiɗde ko to rewɓe.
————————————
KO FIRTI INALCO : Duɗal Ngenndiwal ɗemɗe e pine fuɗnaange (Institut national des langues et civilisations orientales = INALCO). Ko duɗal toowngal jaŋde e wiɗto kalfinaangal jannginde ɗemɗe e pine ɗe ngonaa pine Orop hirnaange. E ngal anndiraa kadi duɗal « ɗemɗe O » (« Langues O), woni innde sanɗaaji janngatnooɗi e maggal. Ngal woni ko e wuro Pari. Ngal waɗti wiyeede nii ko e hitaande 1971. Ɗemɗe Afiriknaaje janngeteeɗe e maggal ko ɗeeɗoo : Amharik (kaaleteengal Ecopi) e Bantu e Berbeer e Komoreere (ɗemngal Komoor), e Hawsa e Malgasiire (ɗemngal Madagskaar) e Mandeŋ (bammbara) e Pulaar e Sooninke e Swaahili e Tigiriñiya (Eriiteree) e Wolof e Yuruba.
