Manndelaa resii laabi tati. O dañii sukaaɓe njeegomo e taaniraaɓe noogaas (20) e njaatiraakon keewkon.
Manndelaa resii laabi tati. O dañii sukaaɓe njeegomo e taaniraaɓe noogaas (20) e njaatiraakon keewkon.
Dewgal makko gadanal ko e biyeteeɗo Evelyn Ntoko Mase e hitaande 1944. Ɓe ceeri e hitaande 1957 caggal duuɓi 13 dewgal, sabu Manndelaa waasde jooɗaade sabu daranaade ɗum hare politik. Ɓe ndañdii sukaaɓe ɗiɗo (2) worɓe : Madiba Tembekile (Tembi) (1946-1969) e Makgato (1950-2005) e sukaaɓe ɗiɗo (2) rewɓe noddirteeɓe kam en ɗiɗo fof Makasiwe (jibinaaɓe 1947 e 1953). Ɓiyngel dewel jibinangel 1947 ngel sankii ina yahra e lebbi 9. Ɓe inniri ɗiɗmel ngel gadanel ngel sabu korsa.
Tembi sankii e aksidaa oto e hitaande 1969 ina yahra e duuɓi 23, tawi Manndelaa ina woni kasoo hokkaaka yamiroore tawtoreede wirwirnde makko. Ewelyn Mase sankii e hitaande 2004, Makgato sankii 2005 tawi ina wondi e SIDA.
Caggal ɗuum, o hawri e Winni Madikisela Manndelaa e hitaande 1958. Ɓe ndañdi ɓiɗkon ndewon ɗiɗon, Senani (Seni) jibinaangel ñalnde 4 feebariyee 1958 e Sindsiswa (Sindsi) jibinaangel e hitaande 1960. Manndelaa sokaa Robben Island tawi Sindsi ina yahra e lebbi 18 fat. Ɓe ceeri e hitaande 1996 sabu luure politik sabu Winni wondaano e laawol newaare Manndelaa ngol.
Manndelaa ɓamti jom suudu Samora Matsel gonnooɗo hooreejo leydi Mosammbik, ballidiiɗo ANC e nguurndam mum. Oon sahaa omo yahra e duuɓi 80, sibu o resti Graça Matsel ko e hitaande 1998.
