Ko meeɗaa yiyeede : jokkere junngo taƴnoongo. Ɗum waɗnoo ko ñalnde 7 saawiyee, to CHU Dijon, to Farayse. Ñalnde heen Alexis, hono mo junngo mum jokkaa oo, wonnoo ko heblo ngam waɗde bakkaa ko faati e dunli leɗɗe, haa masiŋ taƴi junngo makko. Kanko seedtii “nde kattii-mi sammeere junngo am ndee, mi faɗɗi. Ceerno am hocci nde, nawi mi opitaal.
Nde pin-mi, njiy-mi sammeere junngo am ndee, hakille am artii seeɗa.” Hakkunde nde o faɗɗii ndee e nde o fini ndee ɓurii waktuuji 10. E wiyde Doktoor jokkanɗo mo sammeere junngo ndee, nafi mo ko “sammeere ndee taƴ haa seerti e junngo hee, ko ɗum walliti min e golle hee” ko ɗum “malu nder malkiso”. “min puɗɗorii ko jokkude ɗaɗi nawooji ƴiiƴam ɗii (ƴiiƴam mboɗejam) mbele ina ɓamta yarnude sammeere ndee. Ndeen nde fuɗɗiima sooyɗitde, min puɗɗii jokkude ɗaɗi tino e raɗooji, caggal ɗuum ɗaɗi nawtooji ƴiiƴam, woni ɗaɗi ƴiiƴam ɓalejam”. Lewru caggal ɗuum, junngo ngoo sellii, ɓooyataa Alexis waɗta huutoraade junngo mum. Alexis ko malaaɗo.
CHU firti ko « Centre hospitalier universitaire » woni « Opitaal duɗal jaaɓi haaɗtirde », woni opitaal ɗo sanɗaaji ko faati cellal ekkotoo safrude. Ina hasii ko nokkuuje ɗo wiɗtooji toowɗi paatuɗi e ganndal safaara mbaɗetee. BAB
