Famɗinaade e teewu ngaari ina waawi jokkude balɗe

0
1370

Ko ɗuum dee woni ko Dental Winnderewal Faggudu haali, so « famɗikinaade e teewu ngaari ina waawi daɗndude miliyoŋaaji pittaali, wallita kadi ustugol no feewi feto gaasuuji ɓeydooji nguleeki ». Ko wonaa ɗum koo, Dental ngal hollitii wonde keeweendi yimɓe winndere ndee maa yetto miliyaaruuji 10 ɗoo e hitaande 2050. E oon sahaa en mbaawataa huuɓnude soklaaji yimɓe to bannge teewu. Hooreejo Dental ngal wiyi « peewnugol ñameeje kese kam e moƴƴitingol nehngo na’i e bamɗi tuge e gertooɗe, yantude e kebbingol e baylugol ñameele, maa wallit moƴƴitingol cellal e winndere ndee ». E wiyde Dental ngal kadi, ñebbe e pedane pobbi e gabbe ñebbeeje, ɓuri moƴƴude e cellal ( Jaljalɓe e Kanhanɓe ɓeydiima sañjaade ).

Ko woni “Dental Winnderewal Faggudu ?

Dental winnderewal faggudu (e Farayse : Forum économique mondial ; e Engele World Economic Forum, WEF) ɓurngal lollirde kadi Dental Davos, ko fonndaasiyoŋ mo yiylaaki jawdi jooɗiiɗo to Jeneef (Genève). Hitaande kala omo bata nder wuro Davos, to leydi Suwis. Tawtortee batu nguu ko ardiiɓe antampirisaaji, hoohooɓe politik winndere ndee, kam e jaaynooɓe. Ɓe njeewtata heen ko geɗe winndere ndee ɓurɗe heñoreede, kam e geɗe cellal e sato. Dental ngal ina yuɓɓina batuuji goɗɗi hitaande kala, ko wayi no « Batu hitaande kala mbiruuji kesi » to Siin e batuuji diiwaniiji. Sosi Dental ngal ko porfesoor ko faati e faggudu biyeteeɗo Klaus M. Schwab e hitaande 1971. Hitaande kala kadi Dental ngal ina saakta ciimti paatuɗi e geɗe faggudu.

Bookara Aamadu Bah

Woppu jaabawol

Winndu yowre maa
Winndu ɗoo innde maa