Ñalnde 25/2/2025 won winndannde yalti he jaaynde wiyeteende PNAS, ɗo annduɓe siinnaaɓe kolliti teskiima geɗe kese, ummoriiɗe ɗum en e deegowel Zhurong lappol Tianwen-1 juurinoongol he Mbaañ (Mars) gila 14/5/2021.
Ɗeen geɗe kese ko huunde nanndunde e powle maayo ndiyam yaajngo, sibu ɓe mbiyi ɓe njiytii toon bertalle jaajɗe “ndiƴndi” nannduɗe e leydi taweteendi he takko powle maayo ɗe nganndu-ɗen e Leydi men ɗee. Ngal jiytal noon firti tan ko “feeteeto yaajngo ndiyam” ine woodnoo toon, ko wayi no geec walla fiiltiingo. Ndaa annduɓe ine luurdunoo he ɗuum. Kamɓe fof kam aɓe nanondiri wonde ndiyam meeɗii wonde toon, kono goodaangal toon caaɗli e jooli e kaaƴe wallere, ɗuum ko huunde hesere.
Kono kam, ko nate kese ɗee kolli koo, ko bertalle jaajɗe diƴƴe piiltiiɗe, ine gasa nii kujjitnooɗe “tataɓal wertallo Mbaañ”. Heddi tan ko lappi goɗɗi neldee toon kadi ngam hoolkisaade ɗum. Ko waawnoo heen wonde fof, ko annduɓe siinnaaɓe njiyti koo, ko huunde hesere.
BAB
