Ko Dooro Kudiyel o nodirtee, kono innde makko timmunde ko Maamuudu Demmba Bah.
Ko gooto e naalankooɓe heewɓe ɓe Muritani moofti tawi ko ñeeñɗuɓe e fannu naalankaagal. Dooro ko koɗoowo, jimoowo e binndoowo jime e jimɗi naatna ɗum en e nder gaaci. O feeñnini naalankaagal makko ko e pelle ɓamtaare pulaar. To wuro makko liksayba Gorgol, ko kaŋko nii woni hannde kalfinaaɗo jaŋde catal ngal, ko idii ɗum o wonii e K.J.P to leydi Koddiwaar catal Segelaa.
O golliima e Fedde Ɓamtoore fulfulde to leydi Libi, peŋgal Mursuk kam e cate Sabha to Tiripoli. Alla ina hokki mo kadi fartaŋŋe janngude e haalde ɗemɗe mawɗe, guurɗe, bayɗe no Engele, Almaa, Itaaliyee e Españool seeɗa, yantude e ɗemngal Farayse ngal o jannginta hannde, e ooɗoo Sahaa to Nuwaadibu. Ko o jirwinoowo dingire pinal e naalankaagal, hono no natal ngal hollirta-mo-ɗo e (fête de la musique, Alliance Franco-Mauritanienne de Kaédi) yuɓɓinno ñalde 26/06/08 to Liksayba. O hawritii heen e naalaŋkooɓe woɗɓe jeyaaɓe e leƴƴi Muritani fof. Sikke alaa so tawii Moritani tottii hakke naalanke haa timmi, no Mali maa Senegaal mbaɗi nii, o jeyetee ko e waawɓe, toownude pinal men.
So tawii won jiɗɗo jokkondirde e makko ina mbaawi noddude mo e noddirkon makko : 694 39 31 / 222 68 99.
Abuu Kan (Nuwaadibu)
