Yuɓɓo ngo tagopeeje joy (walla 7) ko famɗi fof, taarotooɗe hoodere wootere yiytaama. Habri ɗum ko annduɓe ko fayti e kuule weeyo ñalnde 24 ut 2010.
E wiyde maɓɓe « min njiytii yuɓɓo ɓurngo heewde tagopeeje yiytaango haa e ooɗoo sahaa ». Yuɓɓo naange men waɗi ko tagopeeje jeetati ; yuɓɓo yiytaango ngo ina waɗi tagopeeje jeeɗiɗi, ɗum noon e ngo ɓadtii no feewi ngo men ngo.
Wonande annduɓe ɓe, ɗum ko daawal kesal e ganndal weeyo. Ɓe kuutorii ko teleskop ESO gonɗo to Sili ngam reende, e duuɓi jeegom jawtuɗi ɗi, hoodere nanndunde e naange, wiyeteende HD10180, woɗɗunde en fotde 127 hitaande-annoore (woni 1 202 344 560 000 000 kiloomeeteer = miliyoŋ e temedde ɗiɗi ujunere miliyaar kiloomeeteer). Gaa gaa yuɓɓo naange, yuɓɓo ɓurnoongo mawnude ngo annduɓe njiytunoo joginoo ko tagopeeje 5, tawi heen ɗiɗi ko ɓuje. (RFI)
