Abdallaahi Jah to Tizniit

0
339

 

Pulel, ɗum wonnoo tiitoonde winndannde njaltinno-ɗen e tonngoode 108, faatunde e bismegol suka biyeteeɗo Abdallaahi Jibriil Jah to Tiznit (to leydi Maruk) ngam hollitde filmo mum biyeteeɗo «Le destin d’un petit peul». Abdallaahi artii. O dañii toon martaba mawɗo e humpito heewngo, e jokkondire keewɗe… Kewu nguu waɗnoo ko 1 haa 3 marse 2013.

 

Pulel, ɗum wonnoo tiitoonde winndannde njaltinno-ɗen e tonngoode 108, faatunde e bismegol suka biyeteeɗo Abdallaahi Jibriil Jah to Tiznit (to leydi Maruk) ngam hollitde filmo mum biyeteeɗo «Le destin d’un petit peul». Abdallaahi artii. O dañii toon martaba mawɗo e humpito heewngo, e jokkondire keewɗe… Kewu nguu waɗnoo ko 1 haa 3 marse 2013.

Abdallaahi Jibriil Jah : Mbaɗdu-mi filmo oo ko e « maison des cinéastes » e hitaande 2011, ngam hollitde ɗum e SENAF#6 (koolol 6ɓol Yontere Ngenndiire Filmo), ɗoo e Nuwaasoot, ko anndiraa jooni NOUAKSHORT FILM. « Le destin d’un petit peul » haalaata ko nawliigu e nguurndam mettuɗam sukaaɓe wuurɓe heen.

E nder 300 filmo kollitaaɗo e koolol Tiznit ngol, ko heen 3 tan njeyaa e Muritani. Filmo am oo woni gooto cuɓaaɗo e nder filmuuji 20 gummorinooɗi e leyɗe 20 jeyanooɗe e kawgel ngam tawtoroyeede koolol tataɓol winndereewol filmuuji daɓɓi to Tiznit.

E njillu am hee, mi yiyndirii e hoohooɓe heewɓe, ko wayino guwerneer wuro ngoo, walla Sokna Claire Simon jannginoowo e ekkol mawɗo sinemaa to Farayse, walla skna Chantal Bot, gardo fedde gostondiral ko faati e ñeeñe e pine wiyeteende FRACTALESPRODUCTIONS to wuro Toulouse. O suɓiima yo mi won jooɗaniiɗo FRACTALESPRODUCTIONS e Muritani.

Kono, mi dañii toon ko ɓuri jokkondire mehe, mi dañii toon sehilaaɓe. Mi yiyii kadi leydi Maruk. Dañal am heen ɓurngal mawnude noon, ko « ɓeydaade yiɗde sinemaa e fellitde jokkude golle ɗee, miin fof e ŋakkireede kaɓirɗe »