Njillu Kalifu kalfinaaɗo momtude batte njiyaagu e riiwde baasal e heƴnude riiwanooɓe artiraaɓe e Muritani

0
1054

 

Kalifu kalfinaaɗo momtude batte njiyaagu e riiwde baasal e heƴnude riiwanooɓe artiraaɓe e Muritani, hono Hamdi wul Mahjuub, yilliima nder leydi ndii, noddi halfinaaɓe konnguɗi gure artiraaɓe ɓee, to Kayhayɗi ñalnde 24 abriil 2013. 25 wuro (tuddunde = sit) cuɓaaɗo mum en nootiima e oon ñalnde. Joɗnde ndee fuɗɗaa ko w10ɓo subaka to meeri Kayhayɗi, e tawtoreede guwerneer oo e terɗe laamu diiwaan oo. 

 

Kalifu kalfinaaɗo momtude batte njiyaagu e riiwde baasal e heƴnude riiwanooɓe artiraaɓe e Muritani, hono Hamdi wul Mahjuub, yilliima nder leydi ndii, noddi halfinaaɓe konnguɗi gure artiraaɓe ɓee, to Kayhayɗi ñalnde 24 abriil 2013. 25 wuro (tuddunde = sit) cuɓaaɗo mum en nootiima e oon ñalnde. Joɗnde ndee fuɗɗaa ko w10ɓo subaka to meeri Kayhayɗi, e tawtoreede guwerneer oo e terɗe laamu diiwaan oo. 

O wiyi « ooɗoo kalifu keso ari ko yiydude e riiwanooɓe artiraaɓe ɓee. Bismilla mon e makko. O wiyi o salminii yimɓe ɓee, o weltiima e jiydigal makko e maɓɓe e hawrude kadi e ñalngu aljumaa. Ko adii fof ko anndinde o fuɗɗii golle ko jonte ɗiɗi. O wiyi yimɓe ɓee ngarti ko e leydi mum en etee yo ɓe paam aɓe ndewa laamu nguu ñamaande, etee ko huunde yiɗnde yoɓeede. Kadi, waylude innde ANAIR firtaani dartinde golle waɗantunoo yimɓe ɓee. Kala ko nanondiranoo ko ko jokkata e nder gure artiraaɓe ɓee haa e hoɗdiiɓe mum en fof.

E nder ɗuum tawi nelaaɓe gure fotde 25 gorko mbaɗii ɗerewol nanondiral ndewni ngol e juuɗe Ibraahiima Aamadu Njaay to Jiinge. Ɗerewol ngol ko nii lelorii : « caggal salminde, emin mbeltii e ko ngardina-ɗaa ndee gollorde. Ko ɗuum waɗi amin cofti e hollitde ma caɗeele taw-ɗaa amin ngondi ɗee :

1. To bannge binnditagol ina heewi ko ŋakki, sabu falnde Magaama, hay gooto winnditaaki gila ɓe ngarti e leydi hee. E nder diiwaan Gorgol, ko biro wooto woodi ɗoo e Kayhayɗi ɗo artiraaɓe ina mbinnditoo ; ɗum ko saɗeende. Min njiɗi ko kala ɗo binndital woni e leydi hee, tawa amin mbaawa winnditaade heen.

2. Koɗki : Ko heewi e artuɓe ɓee ngoni ko e caaleeje. Ɓuri tampude e oon sifaa ko artuɓe sakket ɓee.

3. Ndiyam : 27 wuro artiraaɓe ɓee, asanaa heen boyli ko gure tati tan : Wuro Dooro, Gurel Gobi, e Tulde Mbome.

4. Leydi ndema : 3 000 ektaar podananooɗi artuɓe e diiwaan Gorgol ɓee, alaa ko heɓi heen tawo. Ina woodi roŋkuɓe heɓtude leyɗe mum en demetenooɗe, gila ɓe garti. Ina woodi tawtuɓe leyɗe mum en ndema ina tuurti leɗɗe, ɓe ndonkii heɓde yamiroore e juuɗe oosefoore ngam lewtaaɗe ɗe.

5. Aynooɓe nduroori : e nder kitaale 89 haa 91 ko aynooɓe ɓee mbonnanaa e jawdi nduroori koo, hiisotaako. Kono alaa ko ɓe keɓi ko ina malloo ndeen bonannde.

6. Jaŋde : won gure artiraaɓe ngalaa jannginooɓe, kadi won artiraaɓe ina njogii jaŋde waawde jannginde so ɓe keblaama. A min cokli so jannginooɓe ine ƴettee jeyeede heen.

7. Cellal : Amin njiɗi darnaneede cuuɗi cafrirɗi e heblaneede e amen safrooɓe tawa ina rewindee.

Caggal ɗiin kabaruuji e goytaali, kalifu oo wiyi weltiima e kaa haala, kadi omo anndi ko njuɓɓudi tan waawi  habrirde hono nii, kadi ɗuum o sokli e yimɓe hee, so anndude no o tawri ngonka diiwaan kala. O wiyi o nanii, o faamii, so Alla jaɓii gollal makko gadanal ko artiraaɓe diiwaan Gorgol wonata go’o. Yo Alla waɗ ɗuum.

Gure gartiraaɗe Gorgol ko :

  • Falnde Kayhayɗi : – Wullu raame, – Wiiɗnde Ɓokki –       Likseyba, – Gurjuuma, – Ganki Dummbooji; – Jiinga; – Maa Foondu; – Pattukon; – Dinndi; – Boowel 1; – Boowel 2; – Niima; – Luggere ɗaɗi; – Tulde Mbome; – Siiwe; – Garli.
  • Falnde Moongel : – Jeki Tuuba
  • Falnde Magaama : – Bammbiyol; – Tinaali; – Taaga; -Fimmbo; – Magaama; – Taasoot; – Wuro Dooro. 

Mammadu Muusaa Bah,
ganndiraaɗo Coftuɗo Bah, to Jey Baaba, Wuro Dooro.
Nod : 44 91 82 65