Fedde Rentude e Ɓamtude udditii duɗal jaŋde mawɓe ñalnde 15 lewru siilo hitaande 2016 e Tummbere Jiinge ngam haɓde e rewam humambinnaagal e riiwtude keeri majjere.
Fedde Rentude e Ɓamtude udditii duɗal jaŋde mawɓe ñalnde 15 lewru siilo hitaande 2016 e Tummbere Jiinge ngam haɓde e rewam humambinnaagal e riiwtude keeri majjere.
Fotde rewɓe 20 mawnasɓe, yarlitiiɓe mbinnditiima e doggol duɗal ngal. E nder daawal lebbi jeegom, maa ɓe mbaɗ taro, binndol, kiisorɗe nay gaadoraaɗe e jiiɓtugol gaggaaji tokoosi, ɗi ɓe kawrata e tiifaaɗe nguurndam maɓɓe. Jannginta ɓe ko Abuu Aamadu Njaay lollirɗo Abuu Sellee e ballondiral Maamuudu Aamadu Bah e Ibrahiima Aamadu Njaay.
Kewu nguu waɗi ko e tawtoreede jannginoowo duɗal, huufooɓe maggal, e tawtoreede Umaar Aamadu Njaay e Muusaa Hammadi Bah.
To bannge ngalu coodiraangu gila e alluuje, jooɗorɗe, leece, kuɗi, defte, cettirɗe kuɗi, kaadam haa e ataaye jannginooɓe e huufooɓe ummorii ko to Ammbasaad Amerik gonɗo to Nuwaasot, laamorgo leydi Muritani.
Mbiyen so Tummbere Jiinge jaɓɓinooma Sammba Gelaajo Jeegi Bah, joom silaama e gaawe tookaaɗe e Ceerno Sileymaani Raasin Baal, kelnooɗo Muudo Hormo, leliiɗo e Jeeriyel Tummbere, jaɓɓitiima e ngol kadi koɗo goɗɗo biyeteeɗo duɗal Pulaar. Yo Geno wallitir cellal e softeende haa faandaare ndee jaalɗoo.
Gelongal Fuuta lollirɗo, Njaay Saydu Aamadu
