Dental faggudu winndere (forum économique mondial) saaktii doggol maaɗe ƴellitaare aadee e nder winndere ndee. Ndeen maande ɓetata ko kattanɗe leydi kala to bannge waawde ƴellitde kattanɗe ɓesngu mum. Nde ɓuri joopaade ko fannuuji nay ƴellitaare kattanɗe neɗɗo : mbaawka, e ɓamtaare, e darnde e ganndal.
Muritani woni leydi 129 nder 130, ndi ardii tan ko Yemen. E nder Magreb arab, Alaseri ko 112, Tuunus 115, e Maruk ko 118. Ruwanndaa e Ganaa e Kamaruun e Duunde Moris ngoni leyɗeele worgo Saharaa ɓurɗe ƴellitaade to bannge nehdi e jaŋde. Ardii e nder winndere ndee fof ko Norwees, rewi heen Finlande, e Siwis, Dental Dowlaaji Amerik e Almaañ.
