Farayse, Josefin Baker, debbo ɓaleejo gadano naatde teddinirdu

0
991
Josefin Bakker to Teddinirdu Farayse
Josefin Bakker to Teddinirdu Farayse

Holi gonnooɗo Josefin Baker ?

Ñalnde 30 noowammbar 2021 Josefin Baker (Joséphine Baker) wonata debbo ɓaleejo gidiiɗo naatde teddinurdu (Pantheon) leydi Farayse. Habri ɗuum ko jaaynde wiyeteende Le Parisien. Josefin Baker ko debbo ñeeñɗo, kaɓatnooɗo e añamnguraagu, kaɓantooɗo ndimaagu. Innde makko lasli ko « Freda Josephine McDonald », kono o ɓuri darjirde ko Josefin Baker. Ko o jimoowo, gamoowo, magoyeejo. Kono kadi ko o neɗɗo ndimaagu, jeyanooɗo he dartinooɓe njiimaandi Almaañ. Iwdi makko ko Amerik, to o jibinaa ñalnde 3 suwee 1906.

O sankii ko ñalnde 12 abril 1975 to Pari. Josefin ko naalanke jontaaɗo wonnoo. Ko e hitaande 1937, caggal nde o resondiri he tuubaako faraysenaajo, o heɓi ngenndaagu Farayse. O dariima darnde teeŋtunde he wolde ɗimmere, o dartii njiimaandi yimɓe Hitler. Caggal ɗuum o dariima no feewi ngam wallitde hare dimɗingol ɓaleeɓe, o walliti dillere ameriknaare daraniinde hakkeeji ɓiyleydaagu. Ko Emmanuel Makron, hooreejo leydi Farayse ƴetti feere naatnude mo he nokku teddungal mawɗo, ɓaɗanaaɗo yimɓe lolluɓe, dariiɓe darnde haandude e teddungal mawngal.

Woppu jaabawol

Winndu yowre maa
Winndu ɗoo innde maa

Ce site utilise Akismet pour réduire les indésirables. En savoir plus sur comment les données de vos commentaires sont utilisées.