Radiodiffusion Mauritanie Internationale hono RMI-info.com ko lowre kabaruuji kuuɓtodinɗi yaltoore e tammborɗe keewɗe (binndol, hito, wideyoo). Sosi nde ko sukaaɓe muritaninaaɓe wonɓe to leydi Farayse. Faandaare lowre ndee ko humpitde kala ɓe Muritani woƴi kam e kala yiɗɓe humpitaade ko yahata e aduna hee. RMI-info.com renndini ko sukaaɓe fannuyankooɓe, gollooɓe e sanɗaaji. Ko jaaynde udditaniinde winndere ndee, daraniinde wellitaare haala e wellitaare miijo. Hol sabaabu ande daranoo ɗuum ? Ko ngam rokkude yimɓe ɓee kabaruuji banngeeji ɗii fof, tawa ko koolkisaaɗi. Ko yiynude golle ɗaniiyankooɓe, haa teeŋti noon e ɗanniyankooɓe Muritaninaaɓe walla Afriknaaɓe wonɓe to Orop. Ko rokkude golle sukaaɓe ngollata faayiida, tawa ine rokka ɗum en konngol.
Ko ndeeɗoo Jaaynde waɗani Fooyre Ɓamtaare jeeyngal ngam wallitde ɗum.
Mballee Fooyre Ɓamtaare, jaaynde wajjere he ɗemngal Pulaar
Fooyre Ɓamtaare ko jaaynde kabaruuji e nehdi, wootere wajjere he ɗemngal Pulaar, nde Fedde Ɓamtaare Pulaar he Muritani (FƁPM) sosi he hitaande 1980.
Nde yaltatnoo ko laawol gootol lebbi tati kala, kono gila 1989 nde waɗtii yaltude lewru kala laawol gootol. Nde waɗiranoo adan ko wallitde jaŋde mawɓe nder FƁPM, kono caggal ɗuum, seeɗa seeɗa, nde yaajtinii dame mayre haa nde wonti gollirgal pindinoowal, kabrowal, carowal pinal. Gaa gaa donngal gadanal jaaynde ndee, so ɓamtugol ɗemngal e pinal fulɓe nder Muritani, Fooyre Ɓamtaare waawii kadi wonde nokku gostondiral hakkunde pine, e nehaande pinal ngenndiwal gootiɗngal, tiiɗangal keewal pine e demokaraasi, ɗooftiinde hakkeeji.
Gila nde fuɗɗitii yaltude e hitaande 2006, Fooyre woni jaaynde wootere wajjere yaltoore he ɗemngal Pulaar he nder Muritani, he nder diiwaan hirnaange Afrik oo kala (Pulaar/fulfulde ine haalee heen he nder dowlaaji noogaas), haa woodi waɗtuɓe wiyde wonde Fooyre ko jaaynde he ɗemngal Pulaar « ɓurnde lollude he nder winndere ndee ».
Gila 2008, Fooyre ko tergal Réseau de la Presse Mauritanienne (RPM) (Laylaytol Jaayɗe Muritani). Duumagol Fooyre kam e galɗugol loowdi mum, kam e pellital e humpito goomu ngardiingu ɗum nguu, lollinii ɗum no feewi, njaalɗinii ɗum he nder sato jaayɗe mettungo, ɗo Fooyre faarnii, sawndondiri jaayɗe mawɗe he Farayse e Arab.
Ƴeewaa noon Fooyre ina wondi e caɗeele teeŋtuɗe to bannge ngalu. Fooyre ine ŋakkiraa kaɓirɗe, Fooyre heɓataa ko jaayɗe goɗɗe (jaayɗe kaayit e lowe internet) keɓata koo. Wuurni Fooyre ko yarlitaare, ko pellital goomu mum winndooɓe, ko janngiyankooɓe mum ñiiɓɓe ɓee, hay so tawii aɓe kakindii.
Ko ɗumɗoo addani Fooyre soklude he mon, soklude he ballal mon, e balle mon. Ngam jokkude wuurde, jokkude humpitde e findinde, e ɓamtude gootal e ɗemɗe men ngenndiije ɗee. Ngam kadi Muritani ɓurɗo alɗude to bannge neɗɗaagu e pinal.
Soutenez Fooyre Ɓamtaare l’unique journal en langue pulaar
Fondé en 1980 par l’Association pour la Renaissance du Pulaar en République Islamique de Mauritanie (ARPRIM), Fooyre Ɓamtaare est un média associatif d’information et d’éducation en langue pulaar
Trimestriel de 1980 à 1989, il est devenu mensuel depuis 1989. Conçu à l’origine pour appuyer les programmes d’alphabétisation de l’ARPRIM, Fooyre Ɓamtaare a progressivement élargi son champ d’action, et est devenu, au fil des ans, un outil d’éveil, d’information et de diffusion culturelle. Par-delà sa mission première de promotion de la langue et de la culture peule en Mauritanie, Fooyre Ɓamtaare assume les fonctions d’espace d’échanges interculturels et de plate-forme d’une culture nationale unitaire et soucieuse de la diversité, démocratique et respectueuse des droits.
Depuis qu’il a repris sa parution, en 2006, Fooyre Ɓamtaare est l’unique publication en langue Pulaar en Mauritanie, et dans la sous-région ouest africaine (le pulaar/fulfulde y est parlé dans une vingtaine d’Etats), à telle enseigne qu’il est, aux yeux de certains, le journal en langue pulaar « le plus populaire au monde ».
Fooyre Ɓamtaare est, depuis 2008, membre du Réseau de la Presse Mauritanienne (RPM). Sa régularité et la richesse de son contenu, l’engagement et le professionnalisme de son équipe rédactionnelle lui ont assuré une solide renommée, et l’ont imposé dans un paysage médiatique difficile, où il côtoie fièrement les plus grands titres en arabe et français.
Fooyre vit, pourtant, dans un état de quasi-précarité. Dépourvu de moyens, il ne bénéficie pas, pour autant, des mêmes avantages que les autres médias (journaux et sites). Il ne survit que grâce au volontariat, à la détermination de son équipe rédactionnelle, et à la fidélité de son modeste lectorat.
Voilà pourquoi Fooyre Ɓamtaare a besoin de vous. De votre soutien et vos contributions. Pour continuer à exister, à informer, à éveiller, à promouvoir une de nos langues nationales. Á œuvrer pour une Mauritanie humainement et culturellement plus riche.
