Bayyinaango faatungo e eɓɓaande sariya kuccam jaŋde

0
252
Miijo pelle pinal he eɓɓaande sariya kuccam
Miijo pelle pinal he eɓɓaande sariya kuccam

He nder keblugol eɓɓaande sariya kuccam Tippudi Nehdi e Jaŋde (TNJ), Jokkorde pelle pinal ngenndiije (FƁPM, AMPLCS, APROLAWO) jooɗodiima, ñalnde alkamiisa 10 mars 2022, e Jaagorgal Jaŋde kalfinaangal mbayliigu TNJ e tawtoreede gollodiiɓe makko kam e karallo sariya. E nder ndeen joɗnde Jaagorgal ngal siimtanii ɓe winndannde hollitirde sariya kuccam ndee.

Yonaaɓe Jokkorde pelle pinal ɗee ƴettii konngol ngam hollitde mettere mum en, sabu he miijo maɓɓe, huunde e geɗe teeŋtuɗe binndaaɗe he Ciimtol Kuɓtodinngol Ñalɗi Diisnondiral ngenndiiji ɗii, ko jedditaaɗe.

Ɓe kollitii Jaaggorgal ngal mbayliigaaji potɗi waɗeede he winndannde ndee, ko wayi no hujja maɓɓe laawɗingol ɗemɗe ngenndiije pulaar, sooninke e wolof, kam e ɓaɗgol mum ɗemɗe jannginirɗe, kono wonaa tan ɗemɗe kuutorteeɗe he nder haala hono no winndiraa he winndannde hollitirde sariya ndee nii.

Kanko Jaagorgal ngal o wiyi, e nder jaabawol makko, wonde foti haalde haala laawɗingol ɗemɗe ɗee ko gollooɓe politik he nder diisnondiral mum en. O wiyi o nanii ko yonaaɓe pelle pinal ɗee cakkiti koo, o hunii ƴeewoyde so won ko o waawi waɗde heen.

Nuwaasoot, ñalnde 10 mars 2022.

Jokkorde pelle pinal

Woppu jaabawol

Winndu yowre maa
Winndu ɗoo innde maa

Ce site utilise Akismet pour réduire les indésirables. En savoir plus sur comment les données de vos commentaires sont utilisées.