Ñalnde aljumaa 18 lewru jolal 2022, yontere pinal e coftal ɓalli e jaŋde udditaama he Kiifa laamorgo Asaaba, e gardagol waali Asaaba. Tawtoraama ñalɗi ɗii palɗe 5 ɗee fof : Barkewol, Bumdeyd, Geru, Kankoosa e Kiifa. Yontere ndee waɗii faayiida no feewi, leƴƴi ɗii fof tawaama, kollitii heen pine mum en, e finaa tawaa mum en. Ɓe njuɓɓinii heen kawgon: kawgel jaŋde ɓuraana, kawgel almuɓɓe, coftal ɓalli, kawgel jime ekn…
Ndeeɗoo yontere uddaa ko ñande talaata 22 lewru jolal 2022 e tawtoreede waali Asaaba. Nde uddiraa ko dokkirgol njeenaaje wonande ɓeen gañiiɓe e konɗoo kawgon. Ko fayti e pulaar, Catal kiifa heɓii njeenaari ngadanndi wonande jime, Geru nawi njeenaari ɗimmiri ndii haa jooni he jime pulaar.
