Lappol Artemis : Nasa toɗɗiima heen debbo e ɓaleejo

0
587
Ɗanle weeyo :Lappol Artemis
Ɗanle weeyo :Lappol Artemis

Ko ñalnde altine 3 abril Nasa saakti doggol yimɓe nayo fotɓe jeyeede e lappol Artemis faade Lewru mo wuuri ngol, lappol potngol taartaade lewru tawa juuraaki. Ko ɓeeɗoo ameriknaaɓe, hono Christina Hammock Koch, Victor Glover e Reid Wiseman, yantude e kanadaanaajo biyeteeɗo Jeremy Hansen. Ɓe njolata ko he laana weeyo mbiyeteeka Orion, ka lappol Artemis. Mawɗo lappol ngol, hono kumaandaŋ Reid Wiseman e ameriknaaɓe ɗiɗo woɗɓe ɓee ine ngoowti ɗanle weeyo sibu ɓe meeɗii duumaande he Jipporde weeyo winndere (ISS) ; kanadaanaajo oo noon, ko ngol wonata gadanol mum.

Ɗumɗoo noon ko huunde hesere. Ngolɗoo lappol ine seerti no feewi e sahaa nde Amerik waɗdata e Dental Sowiyet daɗndu ndee, sahaa Apollo, hakkunde 1961 e 1972. Oon sahaa, noogaas e nayo yahnooɓe lewru ɓee fof (heen sappo e ɗiɗi tan njippinoo he Lewru), ko worɓe raneeɓe kam en fof. Ngolɗoo laawol noon, lappol ngol ɓuri teskaade renndo Amerik.  Christina Koch wonata debbo gidotooɗo yahde toon, Victor Glover ɓaleejo ameriknaajo-afriknaajo, e Jeremy Hansen neɗɗo mo jeyaaka Amerik. 
Bookara Aamadu Bah

Woppu jaabawol

Winndu yowre maa
Winndu ɗoo innde maa

Ce site utilise Akismet pour réduire les indésirables. En savoir plus sur comment les données de vos commentaires sont utilisées.