Hiirde dokkugol seedanteeje to Duɗal Ɓaleejo Sammba

Duɗal Ɓaleejo Sammba yuɓɓinii ñalnde 10 duujal (mee) 2025, hiirde mawnde to dingiral Elminaa (Espace Elmina). Ko hiirde dokkugol almuɓɓe duɗal ŋaasaa-ŋaas kam e duɗal weeyo ngal seedanteeje ɓennugol tolno faade tolno goɗɗo, hono tolno goo (T1) faade tolno ɗiɗi (T2), T2 faade tolno tati (T3), e T3 faade tolno 4 (T4), ko jiidaa e dokkugol copoƴƴi Laawgure fulfulde T.V. seedanteeje keblegol he karallaagal kesal (informatique).

 

Hiirde ndee ine wondunoo e yeewtere faatunde e « Nafoore e ngarta jaŋde ɗemngal neeniwal », tawi yeewti ɗum ko Dooro Gey. 

Hiirde ndee fuɗɗii ko e waktu 18 pawɗo seeɗa. Nde fuɗɗorii no  kiirɗe pinal keewi fuɗɗoraade he nder leydi ndenndaandi lislaam Muritani nii, so udditirde aayeeje al Ɓuraana tedduɗo oo e daande Hasan Aadama Soh. 

Caggal ɗuum ɗowiyanke dingiral oo, hono Aamadu Dulo Soh, ñaagiima dental ngal nde waɗata hojom gooto tawi ko renndude sunaare e jaale leñol ngol, hono Gelogal Bah, sabu ustoreede jiknaaɗo mum debbo e Soh Sammba Dooro, ustoraaɗo baaɗum debbo.

Caggal ɗuum hiirde ndee jokkiri ko konngol hooreejo Duɗal Ɓaleejo Sammba hono Aadama Jibi Ñas (Jafre Leñol, konngol kalfinaaɗo njuɓɓudi Yaayaa Moodi Soh, konngol kalfinaaɗo ngalu Aliw Mammadu Soh.

Ko noon ne kadi, Catal Elminaa ƴeftiri konngol tawi ko hooreejo oo, hono Muhammadu Abdarahmaani Sal, konngol nulaaɗo Laawgure fulfulde T. V hono Alhuseyni Jiriiru Jallo (Almudel Fuuta.)

Ko caggal ɗee kaalanɗe sukaaɓe Laawgure fulfulde T. V naati ngam bismaade hoɗɓe tedduɓe fotɓe teddineede ɓee, gooto gooto, tawi naatɗo fof ina ñarii ñarugal pulaagu laaɓtungal, kadi yooɓii pulareewal (pularal) mum maandinngal. Caggal ɗuum ɓe naatani jimol maɓɓe (choeur) nde ɓe mbismorii hoɗɓe tedduɓe ɓee.

Seedanteeje ɗee ndokkiraa no haanirta nii tawi raawre raawre, tawi kala heen raawre yimre ina lommbii ɗoon tawi ko jime ɗe sukaaɓe laawgure njimata. Tawi ko daaɗe ɓee sukaaɓe: Arɗo Jah, Yurmeende Kan, Koolaaɗo Jah, Daarorgal yontaaɓe, Teŋella Njaay, Weleende Jallo, Delo Woon e Daado Joob.

Uddi ɗee daawe ko konngol (D. G Jallo), jannginoowo karallaagal kesal, haalannde (Duɗal Pulaar Murtuɗo Joob) he daande hoyreejo mum Hammaat Muusaa Joob. Uddi ɗii konngi fof konngol F. K. W. G he daande hoyreejo Malaaɗo. Giɗo Leñol tawi ko pulareeje ceniiɗe laaɓtuɗe ɗe njillaani. Ina siŋki ñaanti ndee hiirde teddingol tedduɓe fotɓe teddineede tawi ko e teddule limtilimtinɗe hono nii :

Teddungal e jettoor fayde e tedduɓe horsuɓe hormaaɓe hono : Aamadu Luuti Bah (Directeur école privée Pr. Oumar Bâ), Njaay Saydu Aamadu (Gelongal fuuta),  Aysata Bah (Caygal dimal), Dooro Gey (Boobo Loonde), Hammaat Muusaa Joob, kam e Hooreejo Fedde Ɓamtaare Pulaar e Muritani (Bookaar Aamadu Bah).

Teddungal Seernaaɓe jannginooɓe he duɗal ngal hono: Aamadu Dulo Soh, Mamnadu Maane, Aliw Seydi Jallo e Aadama Jibi Ñas (Jafre Leñol).

Njeenaaje almudɓe:

Ɓe meeɗaani luuteede : Maari Abdul Jallo (T1 A), Buubakara Jah, Umaar Wuuwo Soh (T1 B), Faati Yaayaa Kan (T1C), Yaayaa Moodi Soh (T2 A), Sammba Idi Bari (T2 Ɓ), Hasan Aadama Soh (T3 ), Almudel Fuuta (T4).

Ardiiɓe tolno mum en he kawgel ngel:

Sammba Muusaa Bah (T1 A), Hammadu Umaar Bah (T1 B), Umaar Mbaay (T1 C), Yaayaa Moodi Soh (T2 A), Sammba Idi Bari (T2 Ɓ), Hasan Aadama Soh (T3), Aadama Ñas (T4).

Tiiɗniiɗo he daawal jaŋde 2024-2025

Kadi Usmaan Sih (T2) Brigadier Sy hono Idiriis Sih tawa ko gorko tiiɗniiɗo jogii kala fayti he ndeenka hiirde ndee. Habii Jah (Boobo ngenndi) tawa ko banndiraaɗo debbo tedduɗo kanko e wallidiiɓe makko ɓe ndariima heen darnde laaɓtunde gila ɗo carwugol haa  ɗo ñaantugol ngenndiyankooɓe. Ko noon ne banndiraaɓe woɗɓe tiiɗniiɓe waɗɓe heen golle baɗɗe faayida, ko wayi no : Aamadu Ibaraahiima Jah, Alhasan Jiggo, Buubakara Jah e Ifaraa Moodi Jah. Njettoor keeriiɗo ummoraade he Duɗal Ɓaleejo Sammba fayde e Alasan Abdullaay Jallo (Ɓaleejo Sammba) wondude e duwaawu nde tawnoo kala maayi e raddo ko jaawngal fawii.

Kuɗol Aamadu Dulo Soh, ɗowatnooɗo dingiral ngal