Dognugol kaalisaaji balle gujjaaɗi

0
1027
Hooreeɓe CEDEAO
Hooreeɓe CEDEAO

E tuugnaade he kabaruuji caaktaaɗi e jaaynde ine wiyee Financial Afrik, wiɗto wiyeteengo « kappagol hoohooɓe balle ummortooɗe caggal leydi » tawi waɗi ɗum ko haralleeɓe ko faati faggudu, gollondirooɓe he Booñ winndereejo (Bank Moñnjaal), feeñninii wonde hedde 5% balle ɗe Bank Moñnjaal wallitti won 22 leydi koko forlaa faatinaa e desorɗe cuuɗiiɗe. Muritani, Mali, e Burkina Faso ine njeyaa he ɗeen leyɗe. Wiɗto ngoo toɗɗii ko daawal 1990-2010.

Wonande Muritani wiɗto ngoo feeñninii eggingol kaalis tolningol e 182 miliyoŋ dolaar (hedde 62 miliyaar ugiyya ɓooyɗo oo), tawi eggini ɗum ko hoohooɓe leydi ndii, feewde e desirɗe kaalisaaji niɓɓe. Oon kaalis faftaa ko he balle ummoriiɗe caggal leydi.

Kaalis daaftaaɗo Muritani feewde cuuɗirɗe kaalis gujjaaɗo ɓuri heewde e kaalis gujjaaɗo ummoriiɗo Mali (160 miliyoŋ dolaar), Burkinaa (120 miliyoŋ dolaar, e Gine Bisaawo (24 miliyoŋ dolaar) oo.

Hay gooto humpanooka wonde huunde e ardiiɓe leyɗe men ina ngujja kaalis leydi ndii, kaalis men enen fof, ine mooftoya caggal leydi. Kono ngooɗoo wiɗto suurtii seeɗa e golle maɓɓe bonɗe ɗee. Ko woni e lahal kala maa juuɗe njiytu.            FƁ

Woppu jaabawol

Winndu yowre maa
Winndu ɗoo innde maa

Ce site utilise Akismet pour réduire les indésirables. En savoir plus sur comment les données de vos commentaires sont utilisées.