Ñalnde aset 3 sulyee 2021, yeeɓatnooɓe nanngondiral fuku bal he kawgel Njeenaari Orop 2021, hakkunde leydi Danemark e Cekoslowaki fof teskiima kuppugol tele mum en hedde waktu 19ɓo – 21ɓo he nder dumunna juutɗo (fotde waktu). Ko puccital Naange wonnoo sabaabu ngool kuppugol. Eɗen nanatnoo wonde Naange men ngee ina fuccitoo sahaa e sahaa fof, wukkita ɓakdi caasndi sanne he dow meetelol mum. Heen sahaaji batte ɗeen puccitte ine mbaawi yettaade Leydi men ndii, kawjina caaktugol onndooji rajo-yiiteeji (ko anndiraa ƴiiwoole sulɗaande). Ndeen ko nanalla wonnoo, jooni en « njiyii » ɗum walla en « kumpitiima » ɗum ñalnde aset 3 sulyee 2021.
Eɗen ceedoo he natal hee, puccital ngal ɓuri saasde fof ko ɗo ɓuri wojjude ɗoo : Afrik hirnaange, rewo Amerik Worgo, fuɗnaange Amerik hirnaange, Farayse, Almaañ, Angalteer…
On calmiinaama on njuuraama banndiráabe am tedduɓe ko weltaare ngam njokko ndiral e mon on jaaraama
Yo allah ɓamtu en ɓamtana en gannde men
Mbiyeteemi ko Aamadu Demmba Joob, mboɗo jeyaa cuuɗi men ina wiyee Jaaraangel, hannde njooɗiimi ko wuro ina wiyee Sinnja ko e falnde mbuur woni. Njaafo-ɗon mi no feewi e njiɗ-mi haalde koo, maa won wi’ɓe mbele ko e aduna heen ngonnoomi walla ?
Alaa banndiraaɓe; ko e aduna heen ngonmi, maa taw ko wiɗto am e karalle kese ɗee ndokkaanomi e humpitaa oo ɗoo sit. wiɗtooji am mbaɗatnoo ɗum tan ko google, mi anndaanoo ko njiilotonoo mi koo ina tawee e oo sit walla situuji goɗɗi ɗi mi suwaa humpitaade. Alaah jaaraama, on njaaraama onon loowooɓe ɗe gannde e ɗii situuji.
A salmitaama seydi Joob
Feloore alaa he maa. Ko jooni Alla haaji njiytaa ndeeɗoo lowre. Ande woodi gila 2007.
Yo jaù hiir