Fedde Muritaninaare ko fayti e ɓernde

0
803

Fedde Muritaninaare ko fayti e ɓernde ariino ɗo e Nuwaasoot ñalnde 11 oktoobar 2010. Nde joofni golle mayre ko 17 oktoobar 2010 : ina eɓɓaanoo  e makko, waɗde operaaji 10 ɓernde e golle 20 cukkitgol ɗaɗi ƴiiƴam. Ardii golle ɗe ko Doktoor Muhammadu Lih, karallo ko fayti e oppeer ɓernde e ɗaɗi ƴiiƴam, hooreejo Fedde nde. Ina jeyaa e lappol ngolɗoo, doktoor Nuureddiin Ramadaan, karallo ñawbuuli ɓernde e ɗaɗi (Tunisi) e A. Bertrand, karallo ko fayti e «ɗanningol» (anesthésie) e ɗiftingol (réanimation), wonde e safrooɓe (infirmier) rewɓe nayo tuubakooɓe Faraysenaaɓe

kam e huunde haralleeɓe toowɓe cellal (Tunisi).

Tuggi hanki fayde hannde 12/10/10 lappol ngol waɗii opperaaji tati. Ko ngol woni ɗiɗmol e hitaande ndeeɗoo ko Fedde nde ina nelda e Muritani lappol ngol ngam safrude wonduɓe e ñawbuuli ɓernde e ɗaɗi Alla ɓolo.

Fedde Muritaninaare ko fayti e ɓernde sosaa ko e hitaande 2007 e gardagol doktoor Lih Muhamedu (jeyaaɗo Ɓoggee) ngam ustande ñawɓe ɓernde e ɗaɗi ƴiiƴam muuso e wallitde kadi ardiiɓe cellal e leydi ndi lelnude peeje mbele Muritaninaaɓe e koye mum en ina kuɓindoo ganndal ngal e karallaagal oppeer (chirurgie).

Fedde Muritaninaare ko fayti e ɓernde sosaa ko e hitaande 2007 e dow miijo Doktoor Muhamedu Lih (Ɓoggeenaajo) ngam wallitde ñawɓe ɓerɗe e wallude laamu Muritani lelnude laabi juumtuɗi naatnugol karallaagal e nder leydi he.

 Dr Ly Mohamedou