Yeru mo ngidoto-ɗen rokkude ɗoo, ko yeru ko e filma tinndol baɗanaaɗo sukaaɓe (mo mawɓe korsini) biyeteeɗo “Kiriku”. Oɗon nganndi musiɗɗo men Aamadu Muusaa Ngayde, firii mo e Pulaar. Oɗon nganndi ndeen sukaaɓe men puɗɗortonoo jaŋde ko tinndi e cifti e daari ɗi jiknaaɓe mum en tinndanntunoo ɗum en, tee nafoore majjum e kisnugol pinal e udditgol hakkille cukalel ina mawni no feewi.
Eɗen mbaawi hannde eggude yoga e tinndi men e daari men e cifti men, mbaɗen ɗum en filmaaji, waɗee e telefoŋaaji e ordinateeruuji e geɗe goɗɗe sukaaɓe men mbaɗta yeeɓde ɗum… Nafoore majjum, ko famɗi fof ina e geɗe tati : go’o : hisnude pinal men; ɗiɗi : findinde sukaaɓe men e udditde hakkillaaji mum en; tati : faggoraade ɗum. Miɗo yenanaa kala tabitinɗo eɓɓaande waande nii, maa dañ heen ngalu haa heewi. Ɗum ko haala men e yeewtere e Hammaat Jallo to Sahara-média. Jooni kadi, Aamadu Muusaa Ngayde wiyi en : “Caggal kaalnugol Kiriku Pulaar, eɗen ngoni e tettee ngaam waɗde filmuuji nate dillooje, mbele eɗen nguurtina oo fannu e finaa tawaa men”.
Bookara Aamadu Bah
