Eɗen nganndunoo lewru yowitii ko e leydi, ɗum firti ndu rewi ko e leydi, e ndu taaroo ɗum. Kono ko bannge gooto tan wonɓe e leydi men ndii njiyata e lewru : finnde mum, ko gooto e men kala won natal yiyata e lewru, ngal waylotaako.
Eɗen nganndunoo lewru yowitii ko e leydi, ɗum firti ndu rewi ko e leydi, e ndu taaroo ɗum. Kono ko bannge gooto tan wonɓe e leydi men ndii njiyata e lewru : finnde mum, ko gooto e men kala won natal yiyata e lewru, ngal waylotaako.
Miin njiyat-mi ko « neɗɗo ina waɗɗii puccu »… woɗɓe goɗɗum njiyata heen. Heen bannge e lewru, bannge dumtiiɗo en oo, ina humpunoo en, ina humpunoo annduɓe. Oon kumpa iwii hankadi, sibu NASA fotii oon bannge. Nate makko ɗe NASA yolli e internet ñalnde alarba 5 ut 2015, ƴetti ɗum en ko satelit biyeteeɗo DSCOVR (Deep Space Climate Observatory). Ina hollitaa heen lewru ina rewi sara Leydi ñalnde 16 sulyee 2015. Hakkunde men e oon satelit ƴettuɗo nate oo, ko 1,5 miliyoŋ kiloomeeteer. Satelit oo fotii leydi e lewru fotde waktuuji 5 deggondirɗi. To o woni too, o waawii filmude bannge lewru birniiɗo en oo. Satelit Riisi biyeteeɗo Luna 3 fotiino bannge lewru birniiɗo oo e lewru oktoobar 1959.
