Nuwaasot ko sahre lofiinde e mbooko lamɗam, hoɗnde koɗki nduumiiki e dow jinnde hakkunde jiibaaji gamotinɗi ɗo buubi caɓata, gilɗi ɓuñata, gila e bamɗi, beyi, baali, dawaaɗi, ulluɗi, gertooɗe e kankaleeje, jonne kedde ñameele, biifi haa e laalaaɗe werlaaji.
Nuwaasot ko sahre lofiinde e mbooko lamɗam, hoɗnde koɗki nduumiiki e dow jinnde hakkunde jiibaaji gamotinɗi ɗo buubi caɓata, gilɗi ɓuñata, gila e bamɗi, beyi, baali, dawaaɗi, ulluɗi, gertooɗe e kankaleeje, jonne kedde ñameele, biifi haa e laalaaɗe werlaaji.
E dow ɗuum, diƴƴe toɓooji ɗiiɗoo duuɓi tati battindiiɗi ena tawtondira ñalnde kala e tiggitte suturaaji e nder mbeddaaji wuro wiyeteengo ko laamorgo leydi. Hannde, galleeji keewɗi ngeggaama, ngontii biille to leeɗe Siiseem, Senkeem e to Sokosim sabu keewtugol beeli ñolɗi, keewɗi mbaanandiri, ɗi ɓeeɓataa gontuɗi doŋe hukkuunde e ndaayri, cabbuli ɓowɗi. So a naatii e jehreeji ɗii, yeeyooɓe njooɗii ko e dow ɓakke ɗo luuɓngol e ƴeefu ɓernde njebbilta hinere e yitere, ndaaƴa ɗumen e geƴƴelle.
Boowe gooɗnooɗe fof, waɗooɓe ko gasataa mbaɗtii ɗumen dokkore bamɗi e pucci saretaaji walla dare baali e ƴiifuuji mumen. Hol no hoɗɓe e Nuwaasot Cellirta etee laamu nana huccitini heen, ena haɓɓondiri juuɗe ena fiɓondiri toni?
Njaay Saydu Aamadu
