George Weah toɗɗaama hooreejo leydi Liberiyaa

0
1662
George Weah toɗɗaama hooreejo leydi Liberiyaa
George Weah toɗɗaama hooreejo leydi Liberiyaa

26 desaambar 2017 ko ñalngu teskinngu e daartol leydi Liberiyaa sibu ko ngol woni go’o ko lomlomtondiral dewrungal e woote ina waɗa e leydi hee gila 1944, kono kadi, sabu toɗɗegol ɓurnooɗo lollirde waawde fettude bal hooreejo leydi. Oon woni biyeteeɗo George Weah. Ko ngol wonnoo tataɓol ko omo birga ardaade leydi ndii : gadanol ngol ko e 2005, nde o fooɗondirnoo e Ellen Johnson Sirleaf, ɗiɗmol ngol ko e 2011, ɗo o sukkunoo e kanndidaa biyeteeɗo Winston Tubman.

Ellen Johnson, debbo gidiiɗo ardaade leydi e nder Afrik, jahroowo hikka e duuɓi 78, ko kañum felliti woppude laamu caggal duuɓi 12 ngardiigu leydi ndii e nde miijii wonde leydi ndii heblaniima lomlomtondiral. Ina wayi no o juumaani sibu woote ɗee mbaɗii e deeƴre haa hooreejo keso waawii toɗɗeede.

George Weah ina yahra hikka e duuɓi 51. Ko o pettoowo bal ŋanaa o wonnoo sibu, e fettooɓe afriknaaɓe ɓee fof, ko kanko tan dañi rokkeede ko wiyetee ballon d’or koo (bal kaŋŋe). Ɗum waɗnoo ko e hitaande 1995, tawi omo fetta e kolob biyeteeɗe Milan AC. O fettiino bal e nokkuuji keewɗi, gila e Kamaruun haa Farayse, Itaali, Angalteer haa to Emiraaji Arab dentuɗi hade makko ɓoortude paɗe e ɓoornaade wutte politik, sabu, e wiyde makko « yiɗde leydi makko e horsinde yimɓe mum » e « ngam naftude leydi makko » ndi nganndu-ɗaa, gila kitaale 1990, wonnoo ko e kareeli ɓesngu bonɗi, deeƴre arti e mum tan ko e hitaande 2003.

Weah woppirnoo jaŋde ko e jaŋde hakkundeere ngam fettoyde bal. Kono o ɓamtiino jaŋde  ngam heblanaade wonde mawɗo leydi, o woni e janngude ko faati e sariya nder duɗal jaaɓi-haaɗtirde Amerik gootal…

Bookara Aamadu Bah

 

Woppu jaabawol

Winndu yowre maa
Winndu ɗoo innde maa

Ce site utilise Akismet pour réduire les indésirables. En savoir plus sur comment les données de vos commentaires sont utilisées.