Cosgol goomu sarɗooɓe ngam ƴellitaare ɗemɗe ngenndiije : Pelle pinal njaɓɓiima

0
203
Assemblée nationale mauritanie

Ñalnde 15 mee 2020, en keɓii kabaaru cosgol nder Suudu Sarɗi Ngenndi, Goomu sarɗooɓe (Goomu depiteeji) daraniingu ƴellitde ɗemɗe ngenndiije. E nder ɗuum, jokkorde pelle pinal (FƁPM, APROLAWO e AMPLCS) kollitii heen weltaare mum en…    

Ñalnde 15 mee 2020, en keɓii kabaaru cosgol nder Suudu Sarɗi Ngenndi, Goomu sarɗooɓe (Goomu depiteeji) daraniingu ƴellitde ɗemɗe ngenndiije. Nguun Goomu ine anniyii semmbinde darnde pelle pine ngenndiije daraniiɗe ɓamtaare ɗemɗe ɗee duuɓi keewɗi jooni ; hirjinde kuutoragol majje nder denndaangal fannuuji nguurndam leydi ndii (kewuuji laamu, jaayɗe binndeteeɗe e kaaleteeɗe, caaktugol binndaaɗe ekn) ; daranaade kuutoragol majje ɓurngol moƴƴude e nuunɗude nder jaayɗe laamu e jaayɗe keeriiɗe ; daranaade laawɗingol kam e naattingol ɗee ɗemɗe nder tippudi nehdi e jaŋde leydi ndii, kam e naatnugol majje nder karallaagal kumpital (Google, Apple, Facebook, Amazon, Microsoft) ;  wallitde cosgol laylayti parlemaan e nder diiwanuuji Afrik ɗii ngam ɓamtugol ɗemɗe Afrik. Nii Yiilirde Goomu nguu lelorii :
– Hooreejo :       Kajjata Maalik Jallo
– Cukko hooreejo :         Jemal wul El Yedaali
– Ciimtoowo :    Ba Madiin
– Kalfinaaɗo kumpital : Muhammed Lemiin Siidi Mawluud
– Kalfinaaɗo kaalis :         Idriisa Kamara.

Fooyre Ɓamtaare jokkondirii e hooreejo goomu nguu, hono Kajjata Maalik Jallo, ngam ɓeydaade laaɓtinande on geɗe goomu nguu. 

Woppu jaabawol

Winndu yowre maa
Winndu ɗoo innde maa