Jiytal mawngal waɗaama he ɗee balɗe, paatungal e cellal, ngal huunde e annduɓe kiisii ko waklitere. Annduɓe njiytii mbaktu (bakteri) jotondirngu e nguɗu (kaaseer) porostaat. Oo kabaaru ummorii ko e jaaynde Le Guadian (to Angalteer), ñalnde 20/4/2022. Kabaaru oo fof e goongɗude, ɓe nganndaa so tawii mborosaaji biyaaɗi ɗii ko kañum en caabotoo ñawu nguu walla alaa. Wiɗtooɓe ɓee mbiyi njiytii leƴƴi joy (5) bakteriiji jotondirɗi e ɓeydagol jaawngol ñawu nguu.
Wiɗto ngoo noon dallinaani so tawii ɗii bakti ko kam en caabotoo walla ɓeydata nguɗu porostaat. Ko fayi arde maa annduɓe ɓee mbaawoy feewnude ƴeewndooji ngam anndude worɓe jogorɓe feññinde ñawu nguu, ɓe peewna safaara (antibiyotikaaji) paddotooka nguu ñawu worɓe,
mbaroowu hitaande kala ujunnaaje ujunnaaje neɗɗo.
BAB
