Koolol jeegoɓol Yontere adunankoore jolo mo Ndakaaru udditii ñalnde aset 13 suwee 2009 e nder wuro Ndakaaru.
Koolol jeegoɓol Yontere adunankoore jolo mo Ndakaaru udditii ñalnde aset 13 suwee 2009 e nder wuro Ndakaaru.
Yontere ndeeɗoo noon maa teŋtin «njiylawu deeƴre e jam to Kaasamaas ». Ɗum woni ko Ummu Sih, pewjuɗo ooɗoo kewu, haali. E miijo Ummu, « pinal ina waawi wallitde e gartirgol jaawngol deeƴre e nder oo nokku ». Gila 1982 murto ina woodi e ooɗoo nokku, tawi ardii ɗum ko « dillere doole demokaraasi to Kasamaas – Mouvement des forces démocratiques de Casamance – MFDC. Ñalawma 15 suwee oo fof waɗanaa ko Kaasamaas. O fuɗɗortoo ko yeewtere nde tiitoonde mum woni : « Pinal e ƴellitaare, geɗe deeƴre nder winndere ».
Ngolɗoo koolol uddiraa jamma 22 suwee 2009 o. Oon jamma noon heerorii ɗum ko Ummu Sih.
Kabaaru ummoraade e Binta Jallo, janngoowo ko fayti e « kettuki » (Styliste) to Ndakaaru, Wookaam.
Ummu SIH ko ñootoowo, karallo kettuki, ko o senegalnaajo. Omo jeyaa e bayyinɓe internet e nder Afrik. Ummu ko pullo. O jibinaa ko 1952 to Jaataar, sara Podoor, e nder Fuuta Tooro.
