CEDEAO : Maruk rewrii damal, Muritani na yuurnoroo henorde

0
2824

Joɗnde 51ɓiire hooreeɓe e dowlaaji e ardiiɓe guwarnamaaji Dental faggudu Dowlaaji Afrik Hirnaange (CEDEAO) njooɗinoongu ñalnde alet 4 suwee to Monrowiya jaɓii ɗaɓɓaande Maruk waɗnoo ngam jeyeede e dental hee. E nder ɗuum, laamɗo Maruk, hono Muhammed VI bismaama e joɗnde faande to Lomee, leydi Togo ñalnde 27 desaambar 2017.

Cunnagol ɗaɓɓaande Maruk jeyeede e Dental hee, jeyanoo ko e toɓɓe gadane joɗnde ndee. Joɗnde ndee yuurnitaama kadi ɗaɓɓaande Tuunus waɗnoo ngam waɗtude tawtoreede joɗle dental ngal hay so jeyaaka heen, hono ko anndiraa « observateur » woni « keɗtotooɗo » koo, kam e ɗaɓɓaande « gollondiral » hakkunde dental ngal e Muritani, nde Muritani waɗnoo. Joɗnde CEDEAO jaɓanii Tuunus ɗaɓɓaande mum, tee nde yamirii Goomu mayre nde ƴettata denndaangal kuule ngam yenaneede wonde denndaangal doosɗe e laabi jowitiiɗi e ɗuum maa lelne. Joɗnde ndee wasiyiima Muritani nde joɗɗinta ɗaɓɓaande naattugol CEDEAO. Ɗumɗoo noon bettii heewɓe, sibu Muritani yiɗnoo waɗdude e CEDEAO ko nanondiral gollondiral hakkunde dental e leydi, woni siifondira e CEDEAO nanondire keeriiɗe, ɗe yiɗi, tawa kuule dental ngal keddiiɗe ɗee pawaaki e mum. Ɗumɗoon noon wayi ko no jaɓaaka nii, ɓe mbiyi Muritani ko so ina yiɗi y oar naatta, « waasa yonngoraade henorde ».

Kuulal kimmungal goɗngal ƴettangal, ko ɓeydude lebbi 3 goɗɗi e manndaa lulnde Cedeao to Gine Bisaawo e ɓeydude lebbi 12 e lulnde Cedeao wonnde to Gammbi, anndiraande ECOMIG.

Bookara Aamadu Bah

Woppu jaabawol

Winndu yowre maa
Winndu ɗoo innde maa

Ce site utilise Akismet pour réduire les indésirables. En savoir plus sur comment les données de vos commentaires sont utilisées.