Paul Allen ko jahdiiɗo Bill Gates wonnoo, mo o sosdunoo Microsoft e hitaande 1975. Paul Allen sankiima ñalnde 15 oktoobar 2018, caggal nde nguɗu ƴiiƴam heɓtii ɗum. Ko o galo mawɗo o wonnoo sibu ngalu makko ina millee e miliyaaruuji 20 dolaar pawɗi. Feccere e nguun ngalu o rokkii ɗum pelle daraniide wallude lohɓe (o sakkiima ɗum). Ɗum noon, so o anndondiraano e Bill Gates haa ɓe cosdi Microsoft, eɗen mbaawi wiyde ma a taw informatik woodataano nder galleeji men. Paul Allen jibinaa ko Seattle (nder dowla Washington) to Dental dowlaaji Amerik ñalnde 21 saawiyee 1953. Ko duuɓi ɗiɗi fat o waɗi e duɗal jaaɓi haaɗtirde Wasinghton.
Satya Nadella, gardiiɗo Microsoft hannde oo, kam e hoohooɓe Silicon Valley fof njettii mo haaɗdi njettoor, teeŋtinii darnde makko e cosgol e ɓamtagol informatik. Ko ɗuum kadi woni ko Tim Cook, gardiiɗo Apple, e Sundar Pichai, gardiiɗo Google, Jeff Bezos, gardiiɗo Amazon kaali e makko.
Bookara Aamadu Bah
Yoo Alla yoɓ mo golle makko.