Min taranii on « aduna hanki. Sahaa nde Israayiilnaaɓe e aarabeeɓe njaggonditunoo tawo ɓalndu e ɓalndu he kareeli jogitaaje ». He kuɗol Frédérik Lewino
Ñalnde 6 oktoobar 1973, tawi yahuud ine ngoni he welnere Yom Kippuu (Yaafuya Mawɗo), konuuji Misra e Siiri mbetti, naati Golan e Sinay, leyɗe ɗe yahuud en keɓti gila 1967. Golda Meer e Moshe Dayan tinii gila weetndoongo ɗuum ine waawi kewde, kono ɓe calii fuɗɗude njangu, hono no ɓe mbaɗnoo he 1967, hoto Israayiil wiyeede ko kañum fuɗɗi.
Boomgol diwooji yahuud en
Fotde waktuuji 24 haa 48, yanɓe ɓee – heɓɓe njogitaaje ceeɓɗe ummoraade Riisi – peetorii haɓdiiɓe mum en. Faddorde israayiil he njuuteendi gaawol Suyees fusi. Misilaaji ɗi aarabeeɓe keɓnoo he Riis en mbonni yoga e diwooje yahuud en. Kono israayiil renndini doole mum, dartini konuuji gaño, haa fuɗɗii nii waawtaade seeɗa, to Golan tawo, tuggi 10 oktoobar caggal pelɓondire muusɗe. To Sinay, Tsahal boomi belinndeeji (saaruuji) Misra, caggal juumre mawnde Saadaat.
Misranaaɓe mbooraama
Ñalnde 15 oktoobar, Ariyel Sharon, keppannooɗo heɓde yamiroore, yamiraa yo taccu gaawol Suyees ngam waambtaade (ardude caggal) misranaaɓe. Saaruuji makko tacciri gaawol ngol dow sala ponooji. Ɗoon e ɗoon konuuji seneraal Bren Adan cukki e makko, kappani Suyees. Misranaaɓe mbooraama. Sharon salii heɗaade yamiroore, tiindii Ismayila ine wondi e 142 saar e belinndeeji, e paaraaji. Hare Ismaayila waɗi ko hakkunde 18 e 22 oktoobar. Hare ndee muusi haa israayiilnaaɓe kuutorii napalm. Kono ɓe kawri he darto wiyngo weŋ. Feere Sharon gallii. E oon sahaa, ko ɓuri heewde e konu israayiil tiindii wuro Suyees, laawol faade Keer taƴi. Hawraande 338 Fedde Ngenndiije dartini hare ndee ñalnde 22 oktoobar, waktu 18 e hojomaaji 52. Konu Tsahal fadi haa jamma ngam bettude e jookde koyngal tataɓal konu Misra. Pooɗondiral waɗi hakkunde Dental Dowlaaji Amerik (DDA) e Dental Sowiyet. Brejnev ine parnoo oon sahaa e naatde e hare hee ngam faabaade Misranaaɓe. Kono ɗo yahanoo artaa fof fitina kaa tellii ñalnde 26 oktoobar.
ne parnoo oon sahaa e naatde e hare hee ngam faabaade Misranaaɓe. Kono ɗo yahanoo artaa fof fitina kaa tellii ñalnde 26 oktoobar.
Bookara Aamadu Bah
